Ohio Estatu Batuetako ibaia da, Mississippi ibaiaren ekialdeko adar nagusia. 1.579 kmko luzera eta 490.601 km²ko arroa ditu. Pittsburghen (Pennsylvania) du sorrera, Allegheny eta Monongahela ibaien elkargunean, ipar-ekialdetik hego-mendebaldera luzatzen da gero eta Cincinnati eta Louisville hirietatik igarotzen da. Cairo hirian elkartzen da Mississippi ibaiarekin. 1929an egin zen ubideari esker ontziz ibil daiteke Cairo hiritik Pittsburgh bitartean.