Norrland Suediako iparraldeko lurraldea da, Kjølen mendietatik hasi eta Botniako golkoraino iristen dena. Kostaldeko ordokietan biltzen dira biztanle gehienak, klima epelagoa baita. Han nekazaritza eta abere-hazkuntza egiten dira, batez ere. Iparraldean eta mendebalean, berriz, laponiar nomadak bizi dira, eta baso-ustiakuntza eta egurra garraiatzea eta lantzea dute lanbide nagusi. Horretarako lurralde horietan ugari diren ibaiak erabiltzen dituzte. Laponiarren lurraldeetan badira mea-industriak ere.