Columbia Britainiarra BC laburduraz ere ezaguna, Kanadako 10 probintzietako bat da, zeinak, beste hiru lurralderekin batera, Kanada federala osatzen duen. Herrialdeko hego-mendebaldean dago. Probintziaren hiriburua Victoria da, eta hiririk populatuena, Vancouver. Iparraldean Yukon eta Ipar-mendebaldeko Lurraldeekin du muga, ekialdean Albertarekin, hegoaldean AEBekin, mendebaldean Ozeano Barearekin eta ipar-mendebaldean Alaskarekin (AEB). 4.648.055 biztanle ditu, eta 2017az gero hirugarren probintziarik populatuena da, Ontarioren eta Quebecen atzetik.