From Wikipedia, the free encyclopedia
Xbox 360 Microsoft enpresaren bigarren bideo-joko kontsola da. Xbox kontsolaren ondorengoa da, eta PlayStation 3 eta Wii sistemak ditu lehiakide, bidejoko kontsolen zazpigarren belaunaldian.
| Xbox 360 | |
|---|---|
| bideokontsola | |
 | |
 | |
| Fabrikazioa | |
| Fabrikatzailea | Flex Ltd. (en)  , Wistron Corporation (en) , Celestica (en) , Foxconn eta Microsoft (mul) |
| Garatzailea | Microsoft (mul) |
| Saldutako kopurua | 85.480.000, 5.000.000, 11.600.000, 20.300.000, 28.000.000, 31.400.000, 40.200.000 eta 66.000.000 |
| Ikonoa |  eta  |
| Historia | |
| Sorrera | 2005eko azaroaren 22a |
| Aurrekoa | Xbox |
| Hurrengoa | Xbox One |
| Honen parte | seventh generation of video game consoles (en) |
| Ezaugarriak | |
| CPU | Microsoft XCPU (en) |
| GPU | ATI Xenos (en) |
| Sistema eragilea | Xbox 360 system software (en) |
Bere PUZ, “Xenon”, IBM-ren PowerPC teknologian onarrituta dago, eta hiru nukleoetako prozesatzaile zentrala erabiltzen du. Bere GUZ, “Xenos” deitutakoa, ATI enpresak garatu zuen, eta “Unified Shader” teknologia erabiltzeko gai da. Sistemak 512MB-eko EDRAM memoria nagusia dauka. Kanpo ataka bat dauka disko gogor batekin konektatu ahal izateko, Ethernet konexioa eta bi USB 2.0 ataka. Bere tamaina da, gutxi gora-behera, 258mm (zabalera) x 309mm (altuera) x 83mm (fondoa) eta, 3,5 kilogramo pisatzen du.
Xbox 360 2005ko azaroan kaleratu zen (“Core” eta “Premium” bertsioetan). Hasieratik, Europan eta AEBetan harrera oso ona izan zuen, baina nahiko makala Japonian. Hurrengo urteetan, kontsolaren beste bertsioak kaleratu zuen Microsoft-ek “Arcade” eta “Elite” izenekin hain zuzen ere.
2009 urterako, Microsoft-ek kontsola honen 30 milioi unitate saldu ditu mundu osoan, eta bere belaunaldiko bigarren kontsola salduena izatea lortu du (Nintendo Wii-ren atzetik eta Sony Playstation 3ren aurretik).
Bere belaunaldiko joko katalogorik handiena dauka Microsoft-en kontsola. Honen arrazoia zera izan daiteke: Bai Xbox 360 bai bere aurrekari Xbox Windows sistema eragilean oinarrituta daude, eta bere barne arkitektura PC baten ezaugarri ugari ditu. Horregatik, beti izan da errazagoa programatzaileentzat joko baten Xbox 360 eta PC bertsioak ia aldi berean garatzea. Horrez gain, kontsola hau Wii eta Playstation 3 baino urte bat lehenago kaleratu zen, eta honek merkatuan abantai handia eman zion Xbox 360 sistemari.
Xbox 360 kontsolan argitaratu diren joko arrakastatsuenak izan dira, beste batzuen artean, Gears of War, Halo 3, GTA IV, Bioshock, Oblivion edo Call of Duty 4.
Xbox Live! internet-en bidez jolasteko eta edukiak banatzeko Microsoft-ek garatutako sistema da. Ordaindutako harpidetza bati esker, Xbox 360 kontsolaren erabiltzaileek beste erabiltzaileekin jolas dezakete internet-eko konexioa erabiliz, eta Xbox Live!-en argitaratutako edukiak (filmak, musika, bideo-jokoak, etab.) deskargatzeko aukera ere badute.
Bideo-joko kontsolen zazpigarren belaunaldi honek internet-en alde egin zuen apustu garbia. Hasieratik, Xbox Live! izan zen sistemarik indartsuena eta erabiltzaile gehien izan zuena.
| Aurrekoa Xbox |
Xbox 360 2005 - 2016 |
Ondorengoa Xbox One |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
