Souphanouvong

Souphanouvong (laoseraz: ສຸພານຸວົງ; Luang Prabang, 1909ko uztailaren 13a - Vientian, 1995eko urtarrilaren 9a) Laosko politikaria izan zen. Errege-familiako kidea, eta Laosko Errepublikako lehen lehendakaria. Ingeniari-ikasketak egin zituen, Frantzian. Laosera itzultzean, 30eko hamarraldiaren bukaeran, mugimendu abertzalean parte hartu zuen. Bigarren Mundu Gerraren bukaeran, berriz, frantsesen aurka borrokatu zen Indotxinako Gerran. Pathet Lao mugimendu nazionalista komunistaren sortzaileetako bat izan zen, 1950ean. Bere anaiorde Souvanna Phoumaren lehendakaritzapean, Plangintza, Berreraikuntza eta Hirigintzako ministro izan zen (1957-1958), baina atxilo hartu zuten gobernua erorarazi zuen estatu-kolpe batean. Ihes egitea lortu zuen, eta handik aurrera Pathet Lao taldearen ekintza armatuen arduradun izan zen. 1962an, denboraldi labur batez, anaiarekin bat egin zuen koalizioko gobernu batean. Gero, baina, Estatu Batuetako gudarostearen laguntza zuen Souvanna Phoumaren gobernu zentralaren aurka borrokatzen jarraitu zuen, hamarraldi oso batez. Bake hitzarmena 1973an gauzatu zen, batasun nazionaleko gobernu bat eratu zenean, Pathet Lao taldearen gidaritzapean. 1975ean monarkia abolitu ondoren, Souphanouvong Laosko Herri Errepublika Demokratikoaren lehen lehendakaria izan zen. 1986an karguaren dimisioa eman zuen, osasun-arazoak argudiatuz, baina Pathet Laon zituen karguei eutsi zien, 1991. urtera arte.

Souphanouvong
Irudi gehiago
Laosko Presidentea 1975eko abenduaren 2a - 1991ko abuztuaren 15a - Phoumi Vongvichit (en) →
Bizitza
Jaiotza	Luang Prabang, 1909ko uztailaren 13a
Herrialdea	Laos  Frantzia
Heriotza	Vientian, 1995eko urtarrilaren 9a (85 urte)
Heriotza modua	: kardiopatia
Familia
Aita	Bounkhong
Leinua	Lao royal family (en)
Hezkuntza
Heziketa	École nationale des ponts et chaussées Lycée Albert Sarraut (en)
Hizkuntzak	Laosera frantsesa
Jarduerak
Jarduerak	politikaria
Jasotako sariak	ikusi Urriko Iraultzaren Ordena Medal "For Strengthening of Brotherhood in Arms" Klement Gottwald ordena  (1989ko uztailaren 12a) Order of Sukhbaatar Order of Playa Girón Order of Stara Planina Order of Ho Chi Minh Gold Medal of the Nation Herrien arteko Adiskidetzaren Ordena José Martí ordena Order of the White Lion
Kidetza	Lao Front for National Construction (en)
Zerbitzu militarra
Parte hartutako gatazkak	Vietnamgo Gerra Laotian Civil War (en)
Sinesmenak eta ideologia
Erlijioa	ateismoa
Alderdi politikoa	Laosko Herri Alderdi Iraultzailea

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

• Datuak: Q320103
• Multimedia: Souphanouvong / Q320103