Seagram Building

Seagram Building New York hiriko etxe orratz bat da, 375 Park Avenue-n kokatua, 52. eta 53. kaleen artean. Ludwig Mies van der Rohe arkitekto alemaniarrak diseinatu zuen, Philip Johnson amerikarrarekin lankidetzan, eta bere eraikuntza 1958an bukatu zen. 38 solairu ditu (157 m garai).

Seagram Building
Seagram Building
AEBko Leku Historikoa
Irudi gehiago
Kokapena
Estatu burujabe	Ameriketako Estatu Batuak
Estatua	New York
Ameriketako Estatu Batuetako hiri	New York
Borough	Manhattan
Koordenatuak	40°45′30″N 73°58′20″W
Historia eta erabilera
Irekiera	1958
Inaugurazioa	1958
Jabea	Aby Rosen (en)
Komisarioa	Phyllis Lambert (en)
Arkitektura
Arkitektoa	Ludwig Mies van der Rohe Philip Johnson
Egitura ingeniaritza	Severud Associates (en)
Estiloa	Nazioarteko estiloa
Dimentsioak	157 () m
Solairuak	38
Ondarea
AEBko Leku Historikoa	06000056
Webgune ofiziala

Seagram Building

Ezaugarriak

Eraikin honek eta bere estiloak ("Nazioarteko Estiloa" deritzonak) izugarrizko eragina izan zuten Amerikako eta munduko arkitekturan. Eraikuntza-estilo horren ezaugarri bereizgarrienetako bat da eraikinen egitura kanpoalderantz agerian uztea. Mies van der Rohek pentsatzen zuenez, eraikin baten egitura-elementuek agerian egon behar zuten. Seagram Building, garai hartako eraikin ia guztiak bezalaxe, altzairuzko egitura batekin egina zegoen, eta egitura horri euste-funtziorik betetzen ez zuten beirazko hormak atxiki zizkioten. Mies-en nahia zen altzairuzko egitura ageri-agerian uztea, baina Estatu Batuetako eraikuntza-arauek agintzen zutenez, egiturazko altzairu guztiak sutatik babesteko material batez estalita behar zuen egon (eskuarki, zementuz). Izan ere, gaizki babestutako altzairuzko zutabe nahiz habeak bigundu eta eror daitezke sute bat gertatuz gero. Zementuak eraikinaren egitura ezkutatu zuenez (Mies zeharo horren kontra egon arren), euste-funtziorik betetzen ez zuten habeak erabili zituen, egitura nolakoa zen agerian utzi nahian. Habe horiek eraikinaren kanpoaldetik ikus daitezke, eta bertikalean ipinita daude, beirazko leiho handiak inguratuz.

Seagram eraikinaren beste ezaugarri garrantzitsu bat da aurrealdean daukan plaza. Eraikinak ez du betetzen hasiera batean orubeak eskaintzen zuen espazio guztia. Izan ere, eraikitzaileak uko egin zion orubearen zati batean eraikitzeari (eta horrek ahalbidetuko zuen espazio eraikiaren hainbat eta hainbat metro koadrori), horren ordez eraikinaren aurrean iturriz apaindutako plaza bat sortzearren, Seagram eraikinaren edergarri eta osagarritzat hartu behar dena.

Kanpo estekak

• Datuak: Q737484
• Multimedia: Seagram Building / Q737484