Santa Colomako eliza (Santa Coloma d'Andorra)
From Wikipedia, the free encyclopedia
Santa Coloma parrokia-eliza Andorrako Santa Koloman, Andorra La Vellan dagoen eliza bat da. Haran osoko eraikinik interesgarrienetako bat da.
| Santa Colomako eliza | |
|---|---|
| Santa Coloma d'Andorra | |
.jpg)
| |
| Kokapena | |
| Herrialdea |  Andorra |
| Andorrako parrokia | Andorra la Vella |
| Settlement of Andorra | Andorra la Vella |
| Koordenatuak | 42°29′39″N 1°29′51″E |
 | |
| Historia eta erabilera | |
| Erlijioa | katolizismoa |
| Elizbarrutia | Roman Catholic Diocese of Urgell (en)  |
| Arkitektura | |
| Estiloa | Arte aurre-erromanikoa arkitektura erromanikoa |
| Ondarea | |
| Kontaktua | |
| Helbidea | carrer Major, Santa Coloma |
Jatorri prerromaniko andorratarreko tenplua da, Valira ibaiaren eskuinaldean kokatua, Sant Julià de Lòria eta Andorra La Vella artean. Azken honen parrokian dago. Printzerriko eliza zaharrenetako bat da, La Seu d'Urgell-eko (Lleida) katedraleko 1040ko sagaratze-aktetan aipatua baitago.
Hasierako tenplu prerromanikoak aldaketa ugari izan ditu historian zehar.[1]
Tenpluak nabe angeluzuzeneko oinplanoa du, abside laukizuzena ekialdera begira, eta portada eta arkupea nabearen hegoaldeko horman.
Oinplano zirkularreko kanpandorrea du, 17,5 metroko altuerakoa eta lau solairukoa; solairu bakoitzean bi leiho biki pare ditu, dekorazio lonbardiarrez hornitua. Dorreak teilatu konikoa du.
Nabearen egitura zurezko armaduraz egina dago eta teilatuak arbelezkoak dira. Tenplura sartzeko, puntu erdiko arkua duen ate bat dago, zerra-hortzekiko arkibolta batez eta giltzarriaren gainean harrizko gurutze batez apaindua.
Elizak barruko dekorazio aberatsa izan zuen, baina gaur egun Agnus Dei delakoa besterik ezin da ikusi bertan. Gainerako margolanak Berlingo Kultura Museo Prusiar Estatalean eta bildumagile partikularren artean banatuta daude. Absidearen inguruan agertzen ziren irudiak Ama Birjina, apostoluak, Maiestas Domini delakoa eta uso bat ziren.
Tenpluaren barruan, XIII. mendeko Erremedioetako Andre Mariaren irudi bat dago, zur polikromatuan egina.
Hegoaldetik ikusita.
Arkupea eta kanpandorrea.
Kanpandorrea.
Barrualdea.
Aldare nagusiko erretaula.
Ama birjinaren irudia.
,_Mare_de_Déu_del_Remei.JPG)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
