Salvador Giner

Salvador Giner i de San Julián (Bartzelona, 1934ko otsailaren 10a - 2019ko urriaren 19a) katalan soziologoa izan zen, eta 2005etik Institut d'Estudis Catalanseko presidentea.

Salvador Giner
(2015) Irudi gehiago
22. Institut d'Estudis Catalansen lehendakaria 2005eko otsailaren 15a - 2013ko irailaren 1a ← Josep Laporte i Salas (en) - Joandomènec Ros → first vicepresident of the Institut d'Estudis Catalans (en) 2002 - 2005 ← Josep Carreras i Barnés (en) - Antoni Riera i Melis (en) , Salvador Alegret i Sanromà (en) →
Bizitza
Jaiotzako izen-deiturak	Salvador Giner i de San Julián
Jaiotza	Bartzelona, 1934ko otsailaren 10a
Herrialdea	Katalunia
Heriotza	Bartzelona, 2019ko urriaren 19a (85 urte)
Hezkuntza
Heziketa	Chicagoko Unibertsitatea Bartzelonako Unibertsitatea
Hezkuntza-maila	Doktoretza
Hizkuntzak	katalana gaztelania
Jarduerak
Jarduerak	soziologoa, unibertsitateko irakaslea, legelaria eta idazlea
Parte-hartzailea Manifest Koiné
Enplegatzailea(k)	Cambridgeko Unibertsitatea Lancasterreko Unibertsitatea Readingeko Unibertsitatea Bartzelonako Unibertsitatea
Jasotako sariak	ikusi Sant Jordiren gurutzea  (1995) Saiakeraren Espasa Saria  (1987) [[]]  (2006) honorary doctorate of the National University of Distance Education  (2016) Canigó Award  (2015)
Kidetza	Philosophy and science sections of the Institut d'Estudis Catalans (en) Academia Europaea (en)

1995. urtean Kataluniako Generalitateak Creu de Sant Jordi saria eman zion, eta 2006. urtean, CISek Soziologia eta Politika Zientziako Sari Nazionala.

Biografia

Sorterrian hasi zen ikasketak egiten. Zuzenbideko lizentzia eskuratu zuen Bartzelonako Unibertsitatean, eta Soziologiako doktoregoa Chicagokoan. Europan, Estatu Batuetan eta Karibe inguruan osatu zituen bere ikasketak. Harrezkero, Britainia Handian lan egin zuen urte askoan, irakasle eta ikertzaile gisa, harik eta 1986. urtean sorterrira itzuli eta Bartzelonako Unibertsitate Autonomoko katedra eskuratu zuen arte. Ordutik unibertsitate horretako irakaslea izan zen, ekonomiako fakultatean.

Bere eragina Soziologian

Ginerren lanen artean bereziki azpimarratzekoak dira teoria soziologikoari, pentsamendu sozialaren historiari eta gizarte industrial garaikidearen analisiari buruz egin dituen ekarpenak. Soziologian nagusitzen den teoria aniztasunaren aurrean, Ginerrek egitura sorra deritzenen kontzeptua proposatzen eta lantzen du; egitura horiei esker garai eta leku desberdinetan sorturiko teoriak eta ideiak multzoka daitezke, eta aukera ematen dute gizarte-zientzietan hainbeste arazo sortu ohi dituen paradigma aniztasuna gainditzeko.

Lanak

Ginerren liburuen artean aipagarriak dira Historia del pensamiento social (1967, 1982an berrantolatua, Gizarte-pentsamenduaren historia), Sociología (1968, Soziologia), El progreso de la conciencia sociológica (1971, Kontzientzia soziologikoaren bilakaera), Sociedad masa (1976, Masa-gizartea), Europa contemporánea: estructuras sociales y pautas culturales (1978, Europa garaikidea: gizarte-egiturak eta joera kulturalak) eta La estructura social de Cataluña (1980, 1984an osatua, Kataluniako egitura soziala).

Obra hautatua

• Historia del pensamiento social (1967).
• El progreso de la conciencia sociológica (1971).
• Sociedad masa (1976).
• Europa contemporánea: estructuras sociales y pautas culturales (1978).
• La estructura social de Cataluña (1980.
• Historia del pensamiento social (1967).
• El progreso de la conciencia sociológica (1974).
• La sociedad corporativa (1979).
• El destino de la libertad (Espasa Saiakera saria 1987)
• Las razones del republicanismo (1998).
• Ciudadanía, desigualdad social y Estado de Bienestar (2003)
• Mass Society (Sociedad Masa) (1976).
• Comunió, domini, innovació (1985).
• Ensayos civiles y Carta sobre la democracia (1934).
• El sagrat i el profà (1996).
• Teoría de sociología clásica.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q605655
• Multimedia: Salvador Giner i de San Julián / Q605655