Piranha (1978ko filma)
From Wikipedia, the free encyclopedia
Piranha (euskaraz Piraña) 1978ko Joe Dante estatubatuar zinema zuzendariak zuzendu eta John Sayles gidoigileak idatzitako beldurrezko film bat da. Bradford Dillman, Heather Menzies, Kevin McCarthy, Keenan Wynn eta Dick Miller aktoreek antzeztu zuten.
 Piranha (1978ko filma) | |
|---|---|
| Jatorria | |
| Argitaratze-data | 1978 |
| Izenburua | Piranha |
| Jatorrizko hizkuntza | ingelesa |
| Jatorrizko herrialdea | Ameriketako Estatu Batuak |
| Banatze bidea | eskatu ahalako bideo |
| Ezaugarriak | |
| Genero artistikoa | comedy horror (en) , beldurrezko zinema eta zientzia-fikziozko filma |
| Iraupena | Adierazpen errorea: Hitz ezezaguna "eta" |
| Kolorea | koloretakoa |
| Telesaila | Piranha (en) |
| Zuzendaritza eta gidoia | |
| Zuzendaria(k) | Joe Dante |
| Gidoigilea(k) | John Sayles |
| Antzezlea(k) | |
Bradford Dillman Heather Menzies Kevin McCarthy Keenan Wynn Dick Miller Barbara Steele Barry Brown Paul Bartel Richard Deacon Melody Thomas Scott Shawn Nelson (en) Belinda Balaski John Sayles Joe Dante Eric Braeden Bruce Gordon (en) | |
| Ekoizpena | |
| Ekoizlea | Roger Corman |
| Konpainia ekoizlea | United Artists |
| Edizioa | Joe Dante |
| Bestelako lanak | |
| Musikagilea | Pino Donaggio |
| Argazki-zuzendaria | Jamie Anderson (en) |
    | |
Roger Corman zuzendari eta ekoizleak ekoiztu zuen. Filma Steven Spielbergek zuzendutako Jaws filmaren nolabaiteko parodia bat da, eta garai hartan estreinatu ziren B film generoko Grizzly eta Orca filmeetan ere oinarritu zen.
Estreinatu eta berehala, kultuzko filma bilakatu zen. Jarraipen film hauek izan ditu: Piranha II: The Spawning (1981), izenburu berdineko Piranha (1995) eta Piranha 3D (2010), eta Piranha 3DD (2012).
Argumentua
AEB. Bi neska-mutil nerabe elkarrekin bakarka gau ezberdin bat igarotzeko asmoz basoan barneratu eta denbora batez oinez ibili ondoren itxuraz abandonatua dirudien militar instalakuntza bat topatuko dute. Bertan igerileku itxura duen ur tanke bat aurkituko dute, baina bi gazteak bertan igeri egiteko sartzean ustekabean piraña batzuek eraso eta hilko dituzte.
Gertakari latz honen ondoren, Maggie McKeown (Heather Menzies) doktorea nerabeak topatzeko bidalia izango da, eta haien bila ari dela militar instalakuntza topatuko du, bertan instalakuntza zaintzeaz arduratzen den Robert Hoak (Kevin McCarthy) doktorearekin elkartuko da. Bera da AEBtako Armadak Vietnamgo Gerran arma gisa erabiltzeko asmoz piraña hiltzaile horien proiektua garatzeko ardura jaso zuen zientzialaria, baina proiektuak aurrera egin ez zuen arren, berak pirañak bizirik mantendu zituen. Bi zientzialarien artean eztabaida egon ondoren, Maggiek nahi gabean pirañak alboko errekan askaraziko ditu, aldi berean, erreka hau inguru guztiko ibaiadarrekin lotua dagoenez, eskualde edo ibarra osoko udalerrietako biztanleriak arriskuan egongo dira. Piraña horiek akatu eta milaka lagunen bizia salbatzeko, Maggiek Paul Grogan (Bradford Dillman) gidariaren laguntza izango du.
Aktoreak
- Bradford Dillman: Paul Grogan
- Heather Menzies: Maggie McKeown
- Kevin McCarthy: Robert Hoak doktorea
- Keenan Wynn: Jack
- Dick Miller: Buck Gardner
- Barbara Steele: Mengers doktorea
- Belinda Balaski: Betsy
- Melody Thomas Scott: Laura Dickinson
- Bruce Gordon: Waxman kolonela
- Paul Bartel: Dumont jauna
- Barry Brown: Soldadua
- Shannon Collins: Suzie Grogan
- Shawn Nelson: Whitney
- Richard Deacon: Earl Lyon
- John Sayles: Polizia militarra
Kanpo estekak
- Piranha filmaren iragarkia ikusgai. youtube.com (Ingelesez)
- Piranha filmaren IMDBko fitxa irakurgai (Ingelesez)
Datuak: Q1140216
Wikiwand - on
Seamless Wikipedia browsing. On steroids.