From Wikipedia, the free encyclopedia
Osaba Sam edo Uncle Sam, ingelesez, Amerikako Estatu Batuen pertsonifikazio nazionala da, eta, bereziki, AEBko gobernuarena.
1812ko Gerra angloamerikarrean erabili zen esapidea lehenbizikoz. Arraza zuriko gizon zahar gisa irudikatu ohi da Osaba Sam: ile zuri, ahuntz-bizar eta aurpegiera serioaz, eta Estatu Batuetako sinbolo nazionalak gogorarazten dituen arropaz jantzia.
Herri-tradizioaren arabera, 1812ko Gerran, New York estatuaren iparraldean kuarteleratuta zeuden soldadu batzuek egindako hitz-jokotik sortu zen Uncle Sam izena. Kuartel hartako soldaduek U.S. (United States) inizialak idatzita zituzten haragi-pakete batzuk jaso zituzten. Inizial haiek zer esan nahi zuten galdetu omen zuen norbaitek, eta soldadu batek «Uncle Sam» erantzun omen zuen, pentsatu baitzuen haragi-hornitzailearen izenaren inizialak zirela: Uncle Samuel Wilson.
Geroago, 1961eko irailaren 15ean, AEBko Kongresuak ebazpen hau onartu zuen:
| « | Senatuak eta Ordezkarien Ganberak erabaki dute Kongresuak Uncle Sam Wilson Troykoa (New York) aitortzea Osaba Sam Amerikako Estatu Batuen sinbolo nazionalaren aitatzat. | » |
Osaba Samen irudikapen ezagunena James Montgomery Flaggek egin zuen 1917an. Lehen eta Bigarren mundu-gerretan soldaduak biltzeko poster bat da, irudiaren azpiko testuak berak adierazten duenez. Hasiera batean, Leslie's Weekly aldizkariaren azalerako egin zuen Flaggek irudia, 1916ko uztailaren 6an.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
