Mixel Garikoitz

San Mixel Garikoitz (Ibarre, 1797ko apirilaren 15a— L'Estela-Bètharram, 1863ko maiatzaren 14) Kanboko apaiza eta euskal santua izan zen. “Societas Sacratissimi Cordis Jesu Betharram” ordena sortu zuen (euskaraz: Betharramgo Jesusen Bihotzeko Apaizen Elkartea edo ezagunago Baionako Apaizak).

Mixel Garikoitz
Irudi gehiago
Bizitza
Jaiotza	Mixel Garikoitzen jaiotetxea, 1797ko apirilaren 15a
Herrialdea	Nafarroa Beherea, Euskal Herria
Heriotza	Lestelle-Bétharram, 1863ko maiatzaren 14a (66 urte)
Hezkuntza
Hizkuntzak	euskara frantsesa
Jarduerak
Jarduerak	apaiz katolikoa
Santutegia
maiatzaren 14
Sinesmenak eta ideologia
Erlijioa	Erromatar Eliza Katolikoa
Erlijio-ordena	Bétharramgo Jesusen Bihotzeko apaizak

Mixel Garikoitzen jaiotetxea.

Laborarien familia batean jaio zen, eta 1823ko abenduaren 20an Baionan apaiz ordenatu zuten. Bere lehen misioa Kanboko elizan egin bazuen ere, hiru urte geroago Bètharramgo apaizgaitegira igorri zuten, eta bertako zuzendaria izan zen. Apaizgaitegia Baionara eraman zuten, eta Garikoitzek Bètharramen bere ordena sortu zuen bost apaizekin batera: aita Fondeville, aita Guimon, aita Perguilhen, aita Larrouy eta aita Chirou.

Ordenak misioei eta hezkuntzari ekin zien: Gaskonia, Ipar Euskal Herria eta Bearnon zehar misiolariak bidali zituen; eta Maulen, Orthezen, Oloroe-Donamarian eta L'Estela-Bètharramen (azken hirurak Bearnon, Okzitania) zenbait eskola eraiki zituen.

Aita Garikoitz 1923ko martxoaren 15 dohatsu bihurtu zen eta 1947ko uztailaren 6an Pio XI.ak aldarera goratu zuen. Bere jaia maiatzaren 14an ospatzen da.

Bibliografia

• Jean-Baptiste Etxeberrik Michel Garikoitz sainduaren bizia eta bertuteak liburua idatzi zuen.
• Junes Casenavek 1994an, Donaixti-Ibarren, San Mixel garikoitz pastorala plazaratu zuen.

Ikus, gainera

• Augusto Etxekopar

Kanpo-estekak

Wikimedia Commonsen badira fitxategi gehiago, gai hau dutenak: Mixel Garikoitz

• (Frantsesez) Webgune ofiziala
• (Frantsesez) Biografia

• Datuak: Q977986
• Multimedia: Michael Garicoits / Q977986