Merkataritza-zuzenbidean, merkataritza-baltzua edo merkataritza-sozietatea[1] bi pertsona edo gehiagok, bazkide izenekoak, bere ondasunak eta lana batera jarriz eta etekin ekonomikoa eskuratzeko helburuarekin, jarduera ekonomiko bati ekiten dioten baltzua edo elkartea da, legediak ezarritako legeak eta baltzuan adosturiko estatutu-arauak errespetatuz. Merkataritza-baltzuak merkataritza-erregistroan eman behar dute izena bere jarduera abiarazi ahal izateko. Horretarako, baltzuak hainbat izaera juridiko ditu aukeran, hala nola kooperatiba, baltzu anonimoa eta erantzukizun mugatuko baltzua.
Merkataritza-sozietate motak
Erantzukizun mugatuko sozietatea
Beren erantzukizuna beren ekarpenetara mugatuta dago eta beraz, bazkideek ez dute baltzuaren zorrengatik erantzuten. Baltzuaren zorrengatik baltzuaren ondareak soilik erantzungo du. Sozietate kapitalista gisa aurkezten da, non kapitala partaidetza sozialetan banatuta egongo baita, bazkide guztien ekarpenekin integratuko baita, eta horiek ez dute erantzukizun pertsonalik izanen zor sozialengatik.[2]
Sozietate anonimoa
Kapitala akzio izeneko partaidetza-tituluetan banaturik duten baltzu kapitalista da. Akzio horien jabeak, bazkide izenekoak, enpresaren jabeak dira, euren esku dituzten akzioen kopuruaren arabera. Aldi berean, bazkide bakoitzaren erantzukizuna akzio horien baliora mugatzen da, bere nortasuna eta akzio horietaz gainera duen ondarea kontuan hartu gabe eta hortik dator anonimo izendapena.[3]
Kooperatiba
Ekonomia, gizarte eta kultura helburuetarako bazkide izeneko pertsonek osatzen duten borondatezko merkataritza-baltzu autonomoa da. Erakundearen jabetza bazkideena da eta bere kudeaketa demokratikoa da, bazkideen artean. Bazkide guztiek eskubide eta eginbehar berdinak dituzte eta irabaziak beraien artean banatzen dira.[4]
Erreferentziak
Ikus, gainera
Kanpo-estekak
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
