Gasteizko auzoa From Wikipedia, the free encyclopedia
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Mendizorrotza Gasteizko (Araba) auzoa da. Hiriaren hego-mendebaldean dagoen auzo handi bat da, eta bere baitan izaera propioa daukaten hainbat gune daude. Mendizorrotza, izatez, gaur egun izen bereko kiroldegiaren barruan dagoen mendixka bat da, izena bere forma zorrotzari zor diona. Mendizorrotzaren parez pare, Lasarteko atearen beste aldean, Mendizabala izeneko beste muinotxo bat existitzen da, hau ere horrela deitutakoa bere formaren ondorioz. Auzoak Batan izena ere jasotzen du, auzoa zeharkatzen duen ibaiak izen hori baitauka.
| Mendizorrotza | |
|---|---|
 Euskal Herria | |
 Mendizorrotzeko lorategi-hiriko etxe bat | |
 | |
| Kokapena | |
| Herrialdea |  Araba |
| Udalerria | Gasteiz |
| Geografia | |
| Koordenatuak | 42°50′22″N 2°40′53″W |
| Demografia | |
| Biztanleria | 4.819 (2023) |
Izatez, banaketa administratibo honen baitan askotariko auzo-izaerak daude bilduta. Ekialdean, Unibertsitateen inguruko esparrua hezkuntza eta administrazio eraikinez beteta dago, eta bere giroa gazteen joan-etorriek baldintzatzen dute. Mendebalderago, familiabakarreko etxebizitzen etxadi txiki batek Gasteizko lorategi-hiria osatzen du. Honen alboan eta Mendizorrotzeko kirolguneraino dagoen eremuan Batan errekak goi mailako etxebizitzen blokez osaturiko auzoa (hain zuzen, Batan auzoa honi deitzen zaio) egituratzen du. Batanen hegoaldean Mendizabala dago. Batanen eta trenbidearen artean, Frai Francisco Vitoria ibilbideak jauretxez betetako etorbide bat eratzen du. Hementxe daude lehendakariaren egoitza den Ajuriaenea jauregia, Arabako Arte Ederretako Museoa eta Arabako Arma Museoa, besteak beste. Hego-mendebaldean, Cervantes ibilbideak Gasteizko kirol eremu handiena zeharkatzen du. Hemen daude Mendizorrotza bera eta Vital Kutxaren Estadio Fundazioak hirian daukan kirol-esparru nagusia. Mendebalderago, Gasteiz mendiek eskualde horretan eratzen duten lehen muinotxoetako baten gainean, Uleta izeneko familiabakarreko etxebizitzen hiritartze modernoa dago, justu Armentia herriaren ondoan. Armentia bera ere Mendizorrotz auzoaren eremuan sarturik dago. Azkenik, auzo honen mugen barruan dago, baita ere, N-1 errepide zaharretik (orain N-102) iparraldera dagoen eremu handi bat. Lur hauek nekazaritzarako erabili izan dira 2006. urtea arte, baina egun Zabalganeko auzo berrien kokaleku da.
Auzo honen mugak finkatu zirenean ez ziren existitzen Zabalganeko auzo berriak. Auzo horiek, behin-behinean Ipar Zabalgana eta Hego Zabalgana deitzen direnak, Medizorrotz auzoaren mugen barruan eraiki dira, hain zuzen Ariznabarraren eta Gasteizko Eraztun Berdearen parte den Zabalganeko parkearen artean. Ipar Zabalgana eta Hego Zabalgana populatzen joan diren heinean, biztanleria-kopuru osoak gora egin du. Haatik, kontuan izan behar da izatez auzo berri horiek beste nortasun bat edukiko dutela etorkizunean eta, beraz, biztanle-datuak ez dutela errealitatea ondo jasotzen.
| Biztanleriaren bilakaera | |
|---|---|
| Errolda urtea | Biztanleria |
| 2001 | 4.822 |
| 2002 | 4.794 |
| 2003 | 4.822 |
| 2004 | 4.835 |
| 2005 | 4.904 |
| 2006 | 5.457 |
| 2007 | 7.254 |
| 2008 | 9.471 |
Auzoak Mendizorrotzeko futbol zelaiari eta honen inguruan dagoen kirolguneari izena ematen dio. Futbol zelaiaren jabetza udalak daukan arren, Alaves futbol taldeak bertan jokatzen ditu bere partidak. 20.000 pertsona hartzeko tokia dauka.
Mendizorrotzeko kiroldegia Gasteizko kiroldegi handiena da. Igerilekuz eta bestelako kirol ekipamenduz horniturik dago: atletismorako pista, teniserako pistak, etab. Horrez gain, Ogeta pilotalekua ere bertan dago.
 |
Euskarazko Wikipedian bada atari bat, gai hau duena: Gasteiz |
Datuak: Q576098
Multimedia: Mendizorrotza / Q576098
