From Wikipedia, the free encyclopedia
Luzokerra (Cucumis sativus) Cucurbitaceae familiako landarea da, belarkara eta urterokoa. Kuialuze, konkonbre (Ipar Euskal Herrian) eta pepino (Hego Euskal Herrian) izenak ere hartzen ditu. Jatorriz Indiakoa da, baina gaur egun mundu osoan hazten da, haren fruituak barazki modura jateko.
Luzoker | |
---|---|
Sailkapen zientifikoa | |
Erreinua | Plantae |
Ordena | Cucurbitales |
Familia | Cucurbitaceae |
Leinua | Benincaseae |
Generoa | Cucumis |
Espeziea | Cucumis sativus |
Datu orokorrak | |
Gizakiak ateratzen dizkion produktuak | pepino |
Genomaren kokapena | plants.ensembl.org… |
Luzokerra aihen landarea da, igokaria, gorantz igotzeko euskarria aurkitzen duenean hostotxo kiribilen bidez euskarriaren inguruan kiribiltzen dena. Hosto zabalak ditu, fruituak eta zurtoina erabat estaltzen dutenak.
Zurtoinak 4 metrorainoko luzera eduki dezake. Loreak hori kolorekoak eta monoikoak dira. Fruitua zilindrikoa da, luzanga, 60 cm arte eduki ditzakeena luzeran eta 10 cm zabaleran. Barnean haziak dituztenez eta lore batetik garatzen direnez, fruituak dira berez; hala ere, tomatea eta kuia bezala, barazki modura jaten dira, ez fruta modura.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.