Behe Nafarroako herri telebista From Wikipedia, the free encyclopedia
Kanaldude Nafarroa Behereko Aldude herrian sortu eta gaur egun Bidarrain egoitza duen herri telebista da. Euskaraz ari da eta Aldudarrak Bideo kooperatibak sortutako proiektua da
 |
Artikuluaren zati edo atal hau ez dator bat formatu hitzarmenekin. |
 |
Artikulu honek erreferentziak behar ditu. Hemen erreferentzia egiaztagarriak gehituz lagun dezakezu. |
1997an ditu Ipar Euskal Herriko herri-telebistak bere lehen urratsak egin, ELE BISTA bideo aldizkariaren lehen alea plazaratuz.
20 urte berantago, proiektuaren garrantzia sekulan baino handiagoa da. KANALDUDE telebistak tokiko ikus-entzun arloan leku inportanta du. Katearen argitaratzailea den ALDUDARRAK BIDEO interes kolektiboko sozietateak proiektua hurrengo etapara eremaiteko xedea du.
2017an Aldudarrak Bideok ekoiztu Kanaldude web-telebistaren eta Arcomen arteko hitzarmen bat izenpetu du Akitaniako eskualde berriak, heldu diren hiru urteentzat, proiektuaren finantzamendua sendotuz epe ertainean. Gauza bera gertatzen da 2020-2023 urte tartearentzat.
2021ean Arcomek SIPL (Statut de Service d’Initiative Publique Locale) sartzea onartzen dio Kanalduderi. Baimen honek, Kanalduderen hedabide lana lekuko zerbitzu publiko bat dela onesten eta ofizializatzen du. Baimen honek Box-ak proposatzen dituzten internet hornitzaileak Kanaldude katea beraien eskaintzan integratzea behartzen ditu. 2023an Kanaldude Orange, Bouygues, Free eta SFR boxetan ikusteko hitzarmenak izenpetzen dira.
KANALDUDE telebista proiektuak ikus-entzun arloan finkatu nahi dituen ardatzak hauek dira:
• Euskaraz den telebista bat, euskalduneri eta mundu osoan euskara ikasten ari direneri zuzendua, hizkuntzaren presentzia sustatuz hedabideetan, Euskararen Erakunde Publikoak plantan jarritako hizkuntz politikaren ardatza segituz.
• Lurraldeko telebista bat, dinamika lokalak eta lurraldeen arteko trukaketak argitan ezartzen dituena, hurbileko informazio sozial bat eskainiz.
• Telebista parte-hartzaile bat, programen ekoizpenean herritarrei leku garrantzitsu bat ematen deiena, ikus-entzun parte-hartzailearen federazioak www.audiovisuel-participatif.org garatu produkzio sisteman oinarrituz.
• Bideo sorkuntzak sustatzen dituen euskarazko telebista bat, ikus-entzun arloan engaiatu gogo duten autore, eszenarizatzaile eta errealizatzaileei laguntza bat eskainiz, ikus-entzunezko produkzio lokalak dinamizatzeko helburuarekin.
• Ondarearen eta sorkuntzaren arteko loturaz etengabeko gogoeta bat eremaiten duen telebista bat, sorkuntza herrikoiak hurbiletik segituz.
Euskal Hedabideak elkartea, iparraldeko eta euskarazko hedabide pribatuak elkartzen dituen lantaldea da: Euskal Irratiak (Xiberoko Botza, Gure Irratia, Irulegiko Irratia, Antxeta Irratia), Aldudarrak Bideo (Kanaldude telebista), Ipar Euskal Herriko Hitza (Berria), Herria eta Kazeta.eus.
Ipar Euskal Herriko bost euskal hedabideen arteko elkarlana 2013an hasi zen. Lehen ekintza publizitate instituzionalaren alorrean eraman zen, publizitate pack batzuk definituz eta proposatuz elkarrekin. Gogoetak zabalduz, ekoizpen amankomunak pentsatu ziren eta lehen ondorioa, Ahoan bilorik gabe emankizuna izan zen 2012an.
Beste proiektu puntual batzuk ere antolatu ditugu elkarrekin: EHZ festibala, laborantza ganbarako hauteskundeak eta halako ekitaldi garrantzitsuak. Gaur egun, Elkarlana lantaldeak gure hedabideetako hainbat kazetari biltzen ditu, eta gure 5 hedabideen ekoizpen amankomunen inguruan gogoetatzen eta lan egiten dute (normalean, telebistako eta irratietako zuzenezko emankizunak).
Datuak: Q16517937Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
