Jesús María Pedrosa Urkiza (Ordizia, 1942ko abenduaren 12a - Durango, 2000ko ekainaren 4a) ETA erakunde terroristak hildako politikari bizkaitarra izan zen.
| Jesús María Pedrosa | |||||||||
|---|---|---|---|---|---|---|---|---|---|
1999 - 2000ko ekainaren 4a Hautetsia: 1999ko Espainiako udal hauteskundeak
1995 - 1999 Hautetsia: 1995eko Espainiako udal hauteskundeak
1991 - 1995 Hautetsia: 1991ko Espainiako udal hauteskundeak
1987 - 1991 Hautetsia: 1987ko Espainiako udal hauteskundeak | |||||||||
| Bizitza | |||||||||
| Jaiotza | Ordizia, 1942ko abenduaren 12a | ||||||||
| Herrialdea |  Gipuzkoa, Euskal Herria | ||||||||
| Heriotza | Durango, 2000ko ekainaren 4a (57 urte) | ||||||||
| Heriotza modua | giza hilketa | ||||||||
| Hiltzailea | Euskadi Ta Askatasuna | ||||||||
| Hezkuntza | |||||||||
| Hizkuntzak | gaztelania | ||||||||
| Jarduerak | |||||||||
| Jarduerak | politikaria | ||||||||
| Sinesmenak eta ideologia | |||||||||
| Alderdi politikoa | .svg){kind=small} Alderdi Popularra | ||||||||
Jesús María Pedrosa Urquiza ETAk hil zuen, Durangon, 2000ko ekainaren 4an.[1] Ordizian jaio arren, txikitatik Durangon bizi izan zen.[2] 1987tik Alderdi Popularreko zinegotzia zen Durangoko udaletxean.[3] Gainera, ELA sindikatuan afiliatuta zegoen. Industria-sektoreko enpresa ezberdinetan lan egin zuen. Ezkonduta zegoen eta bi alaba zituen. Hil zutenean, 57 urte zituen.
Hilketa
Hil aurretik, ETA erakunde terroristak hainbatetan mehatxu egin zion.[4][5] Hilketa 2000ko ekainaren 4an, igandea, jazo zen, goizean, Jesús María etxera bueltatzen zenean. Eskolta eramateari uko egina zion.[6] Egun horretan zinegotzia etxera itzultzen ari zen, mezatara joan ondoren. Durangoko hiriguneko kaleetan barrena, terrorista bat atzetik hurbildu zitzaion, aurpegia estali gabe, eta tiro bakarra egin zion, garunean. Biktima ia berehala hil zen.[7] Abisua jaso eta gero, Ertzaintzak gunea inguratu zuen eta Osakidetzako ZIU mugikorreko medikuak bertaratu ziren. Biktima suspertzen saiatu ziren, baina alferrik; bere heriotza egiaztatu besterik ezin izan zuten egin.[8] 16:00ak pasata, guardiako epaileak hilotza altxatzea agindu zuen.[9] Hilketa eta bi egun beranduago, atentatua gaitzesteko manifestazio jendetsu bat antolatu zen, “Askatasuna” oihu artean. Jesús María hil ondoren, bere izena daraman saria ezarri zuten.[10][11]
Hilketa honek ez zuen zigorrik izan. Eusko Jaurlaritzaren Bake eta Bizikidetzarako Idazkaritzaren arabera, hilketa artxibo-egoeran dago.[12] ETAk 2000ko ekainaren 11n aldarrikatu zuen atentatu honen eta José Luis López Lacalleren hilketaren autoretza, Gara eta Egunkaria aldizkariei igorritako testu baten bitartez.[13] Atentatu honen epairik eman ez zenez, inork ez du hilketarengatik zigorrik jaso. Hala ere, Urko Gerrikagoitia Agirre, Zigor Arambarri Garamendi, Ekain Ruiz Ibarguren eta Patxi Rementeria Barruetabeña etarrak hil eta gero, bonba bat garraiatzen zuten bitartean Bilboko Begoñako auzoan, atentatua Bizkaia komandoak egin zuela uste da, eta ez Araba komandoa, hasierako ikerketek adierazten zutenez.[14]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
