Ixtar

Ixtar^[1] (sumerreraz: 𒀭𒌋𒁯, ^DIŠTAR; akaderaz: 𒀭𒈹 ) Mesopotamiako mitologian maitasunaren, bizitzaren, ugalkortasunaren eta gerraren jainkosa babiloniarra zen, baita garrantzi gutxiagoko zenbait gairen patroia ere.

Ixtar
Sumertar erlijioa
Ezaugarriak
Sexua	emakumezkoa
Baliokideak	Astarte, Šauška (en) eta Inanna
Familia
Aita	Sin
Ezkontidea(k)	Tammuz eta Asur
Anai-arrebak	Erexkigal eta Xamax

Artikulu honek erreferentziak behar ditu. Hemen erreferentzia egiaztagarriak gehituz lagun dezakezu.

Izenak eta zabalkundea

Sumerren Inanna izenarekin ezagutzen zen, antzinako Armenian edo Urartun Anahit bezala eta Astarte bezala Kanaanen, Fenizian eta abrahamdar erlijioetan. Ixtarrek edo Inannak Jainkosa amaren eredua irudikatzen du.

Sumerian Inanna bezala ezagutzen zen, eta ondoren baita Babilonian ere, eta hiri honek bere eragin kulturala izan zuen Ekialde Ertain guztian Zeruko Erregina eta Lurreko Anderea ohorezko tituluak jasotzen ditu.

Joseph Campbellen iritziz, Ixtar/Inanna, Tammuz jainkoari bularra ematen diona, Afrodita jainkosa bera da, baita Isis egiptoar jainkosa ere, Horus elikatzen duena.

Ishtar, gerrako jainkosa gisa irudikatua akdatar garaiko zigilu bateko estanpatzea. Jainkotasunaren adarrak buruan ditu. Chicagoko Ekialdeko Institutua.

Mitologia

Sin eta Nannar ilargiaren jainko jainkosen alaba zen Ixtar. Tammuz uztaren jainkoa maitatu zuen eta Gilgamexen epopeiaren arabera horrek heriotza ekarri zion Tammuzi. Horregatik esaten da Ixtarren maitasunak hiltzeko arriskua zekarrela.

15 zenbakiarekin identifikatzen da Ixtar. Artizarrarekin lotzen da, egunsentian eta ilunabarrean ikusten den astroa, eta Ixterren sinboloa zortzi puntako izarra da. Ixtarri dagokion animalia lehoia da.

Ikus, gainera

• Ixtarren atea