Genaro Alas Rodríguez (Madril, Espainia, 1926ko apirilaren 29a – Cáceres, 2021eko otsailaren 10a) arkitektoa izan zen.
| Genaro Alas Rodríguez | |
|---|---|
| Bizitza | |
| Jaiotza | Madril, 1926ko apirilaren 29a |
| Herrialdea |  Espainia |
| Heriotza | Cáceres, 2021eko otsailaren 10a (94 urte) |
| Hezkuntza | |
| Hizkuntzak | gaztelania |
| Jarduerak | |
| Jarduerak | arkitektoa |
| Lan nabarmenak | ikusi
|
Madrilgo Arkitekturako Goi Eskola Teknikoan egin zituen ikasketak. 1945ean, Caceresko Kolonizazio Institutu Nazionaleko arkitekto izendatu zuten, eta, 1956an, Arkitekturako Zuzendaritza Nagusiaren ordezkari Extremaduran. 1955ean, Pedro Casariegorekin elkartu, eta Alas y Casariego arkitektura-enpresa sortu zuten, egungo espainiar arkitekturan garrantzi handia izan duena.
1960ko hamarkadaren hasieran, Europako eraikuntza-alorrean aurrefabrikazioa ikertzen zuen espainiar taldeko kide aukeratu baitzuten, Europako erdialdeko hainbat herrialde bisitatu zituen. 1966an, doktore-maila lortu zuen arkitekturan.
Alas y Casariego enpresak egindako arkitektura-lanetan, aipagarriak dira, besteak beste: Monky kafe-fabrika (1960), Centro eraikina (Madril, 1965), Madrilgo Castellana ibilbideko Windsor eraikina (1974-1979) eta enpresa horren lanik teknologikoena den Tres Cantosko tren-geltokia eta merkataritzagunea (1986). Enpresa horrek zuzendu zituen, besteak beste, Madrilgo Picasso dorrearen eraikuntza-lanak.
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q10288672
Multimedia: Genaro Alas Rodríguez / Q10288672
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
