Dezibel

Dezibel
Neurtzen du	logarithmic quantity (en) eta sound pressure level (en)
Unitate estandarretan	0,1 B
Honen izena darama	Alexander Graham Bell
Ikurra	дБ eta dB

Dezibela (dB^[1]) unitate logaritmiko bat da, bi magnituderen arteko erlazioa neurtzen duena. Akustikan, elektronikan, telekomunikazioetan eta kontrolaren teorian erabiltzen da nagusiki. Magnitude biren arteko erlazioa adierazteko erabili daiteke, edo, balio bietako bati erreferentziazko balio bat ematen zaionean, balio absolutu bat adierazteko.

Datu azkarrak Neurtzen du, Unitate estandarretan ...

Itxi

Datu azkarrak dB, Potentzia erlazioa ...

Itxi

Dezibela Bel unitatearen hamargarren bat da, hau da, bel bat hamar dezibel dira. Praktikan oso arraroa da Bel unitatea aurkitzea, dezibela erabiltzen da. Izena Alexander Graham Bellengatik datorkio.

Dezibel bat hamar aldiz potentzia kopuru biren arteko zatiketaren 10 oinarridun logaritmoa da,

L_{P}(\mathrm {dB} )=10\cdot \log _{10}{\frac {P}{P_{0}}}

edo hogei aldiz anplitude kopuru biren arteko zatiketaren 10 oinarridun logaritmoa.

L_{F}(\mathrm {dB} )=20\cdot \log _{10}{\frac {F}{F_{0}}}

non $L_{P}$ potentzia biren arteko erlazioa den, dezibeletan neurtua, $L_{F}$ magnitude biren arteko erlazioa den, dezibeletan neurtua, $P$ eta $P_{0}$ potentzia kopuruak diren eta $F$ eta $F_{0}$ anplitude kopuruak diren.

Dezibelean oinarritutako unitateak

Dezibela magnitude biren arteko erlazioa da. Magnitude absolutu bat adierazteko, erreferentziazko balio bat erabiltzen da. Kasu hauetan, dB terminoari atzizki bat jartzen zaio, neurtutako magnitudea zein erreferentziarekin konparatzen den zehazten duena.

Orokorrean, potentzientzat $L_{P}(\mathrm {dB_{ref}} )=10\cdot \log _{10}{\frac {P}{P_{\mathrm {ref} }}}$

eta anplitudeentzat $L_{F}(\mathrm {dB_{ref}} )=20\cdot \log _{10}{\frac {F}{F_{\mathrm {ref} }}}$

Erreferentzia arrunt batzuk hurrengoak dira:

dB_SPL: (SPL: sound pressure level). Soinuaren bolumenaren irabazi edo atenuazioa.
dBW: W hizkiak erreferentzia watt bat (1W) dela esan nahi du. 1W-eko seinale batek 0dBW-ko irabazia dauka.
dBm: kasu honetan erreferentzia miliwatta da. 1mW-eko seinale batek 0dBm-ko irabazia dauka.
dBu: erreferentzia 0,7746 voltekoa da. Arrazoi historikoegatik erabiltzen da.

Ikus, gainera

Erreferentziak

[1]
Laburtzapenen hiztegia. Gasteiz: Eusko Jaurlaritzaren Argitalpen Zerbitzu Nagusia, 31 or..

Kanpo estekak

Datuak: Q5329
Multimedia: Decibel / Q5329

[1] [1]
Laburtzapenen hiztegia. Gasteiz: Eusko Jaurlaritzaren Argitalpen Zerbitzu Nagusia, 31 or..

[1]

dB	Potentzia erlazioa		Anplitude erlazioa
100	10 000 000 000		100 000
90	1 000 000 000		31 623
80	100 000 000		10 000
70	10 000 000		3 162
60	1 000 000		1 000
50	100 000		316	.2
40	10 000		100
30	1 000		31	.62
20	100		10
10	10		3	.162
6	3	.981	1	.995 (~2)
3	1	.995 (~2)	1	.413
1	1	.259	1	.122
0	1		1
−1	0	.794	0	.891
−3	0	.501 (~1/2)	0	.708
−6	0	.251	0	.501 (~1/2)
−10	0	.1	0	.316 2
−20	0	.01	0	.1
−30	0	.001	0	.031 62
−40	0	.000 1	0	.01
−50	0	.000 01	0	.003 162
−60	0	.000 001	0	.001
−70	0	.000 000 1	0	.000 316 2
−80	0	.000 000 01	0	.000 1
−90	0	.000 000 001	0	.000 031 62
−100	0	.000 000 000 1	0	.000 01
Potentzia erlazio eta anplitude erlazio batzuk beraien dB kopuru baliokidearekin. Errazagoa da bi edo hiru zifradun zenbakiakiekin lan egitea.