From Wikipedia, the free encyclopedia
Cœur de Pirate, benetako izena Béatrice Martin, (Montreal, Quebec, Kanada, 1989ko irailaren 22a- ) indie pop abeslari eta musikagile quebectarra da. Pianoa jotzen du eta frantsesez abesten du, quebectar frankofono artista belaunaldi berriaren erreferente handiena da.
| Cœur de Pirate | |
|---|---|
 | |
| Bizitza | |
| Jaiotzako izen-deiturak | Béatrice Mireille Martin |
| Jaiotza | Outremont (en)  , 1989ko irailaren 22a (35 urte) |
| Herrialdea |  Kanada |
| Lehen hizkuntza | frantsesa |
| Hezkuntza | |
| Heziketa | Collège Jean-de-Brébeuf (en) |
| Hizkuntzak | frantsesa ingelesa |
| Jarduerak | |
| Jarduerak | abeslaria, piano-jotzailea, aktorea, egile abeslaria, kanta-idazlea eta zuzendari artistikoa |
| Lantokia(k) | Montreal |
| Kidetza | Armistice (en) |
| Izengoitia(k) | Cœur de pirate |
| Genero artistikoa | herri-kanta pop musika |
| Musika instrumentua | pianoa ahotsa |
| Diskoetxea | Dare to Care Records (en) Grosse Boîte Cherrytree Records Universal Music Group |
| bravomusique.com… | |
                   | |
Montreal erdialdeko Outremont barrutian jaio zen Béatrice Martin[1]. Hiru urte baino ez zituela hasi zen pianoa jotzen eta bederatzi urterekin Montrealgo musika kontserbatorioan sartu zen[2].
Hamabost urte zituela December Strikes post-hardcore taldean teklista hasi zen[3], bai eta Bonjour Brumarie taldean ere[4], eta 2008an bere aurreneko bakarkako diskoa atera zuen, bere izen artistikoa zeraman Cœur de Pirate ("pirataren bihotza")[3]. Diskoa ia akustikoa dela esan daiteke, pianoa eta Cœur de Pirateren ahotsa baino ez baitu. Instrumentazioz sinplea bazen ere 2009ko Juno sarietan disko frankofono onenarentzako izendatua izan zen eta saria irabazi ez zuen arren mundu mailan zabaldu zen bere musika. Pour un infidèle, Ensemble, Comme des enfants eta Primptemps singleek arrakasta handia izan zuten[5]. CBC Music-ek Kanadako inoizko 25 disko onenen zerrendan sartu zuen[6]. 2009an bertan Pearls izenarekin ingelesezko proiektu bati ekin zion baina MySpacen abesti bakarra plazaratu eta ez du jarraipenik izan[7].
2011 urtean The Bronx talde estatubatuarrarekin batera Armistice izeneko EP-a atera zuen[8][9]. Urte berean iritsi zen bakarkako bigarren diskoa, Blonde izenekoa, eta urteko pop disko onenaren Félix Saria irabazi zuen. Adieu eta Golden baby izan ziren singleak eta 2013an Place de la République abestiaren bideoklipa zuzendu zuen[10]. 2013ko martxoan nazioarteko bira egin zuen. 2014 urtean bi soinubanda egin zituen, kanadiar Trauma teleseriearena, hainbat artistaren kantu ezagunen coverr-ak eginaz[11], eta Child of Light bideo-jokoarena[12]. Bakoitzarekin disko bana argitaratu zuen.
2015 urtean Roses diskoa atera zuen[13] eta 2016an Marc Lavoine eta Arthur H-rekin batera Les Souliers rouges diskoa atera zuen[14]. 2018anhurrengoa plazaratu zuen, En cas de tempête, ce jardin sera fermé[14]. 2021. urtea berezia izan zuen, bi diska berri eta haurdunaldia iragarri baitzituen[15]. Perséides diskoa erabat instrumentala, hamar piano pieza hain zuzen ere. Ahots kordetan izan zuen ebakuntzatik errekuperatzen ari zela konposatu zituen abestiak[16].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
