Bismarck korazatua

Bismarck korazatua, Kriegsmarineko korazatu bat izan zen, Otto von Bismarck kantzilerra eta Alemaniaren bateratzearen bultzatzailearen omenezko izena zeramana. Tirpitz korazatuarekin batera, Alemaniak inoiz eraikitako korazatu handiena izan zen.

Bismarck korazatua
Irudi gehiago
Fabrikazioa
Fabrikatzailea	Blohm + Voss
Ekoizpen-lekua	Hanburgo
Kostua	197.000.000 Reichsmark (en)
Historia
Gila jartzea	1936ko uztailaren 1a
Uretaratzea	1939ko otsailaren 14a
Esleipena	1940ko abuztuaren 24a
Lehen bidaia	1941eko maiatzaren 21a
Naufragioa	1941eko maiatzaren 27a
Kudeatzailea	Kriegsmarine
Erregistro-herrialdea	Hirugarren Reicha
Gatazka	Bigarren Mundu Gerra
Kokapena
Koordenatuak	48°10′00″N 16°12′00″W
Ezaugarriak
Dimentsioak	15 () × 9,3 () × 36 () m waterline length: 241,6 () m Luzera (nautika): 251 () m
Erruna	36 m
Zingoa	9,3 m
Masa	45.950 t eta 50.300 t
Potentzia	110.450 kW
Abiadura	30,01 kn
Autonomia	8.870 nmi (19 kn)
Identifikazioa

1936ko uztailaren 1an Hanburgoko Blohm + Voss ontziolan eraikitzen hasi eta 1939ko otsailaren 14an ureratu zen.

Bismarck korazatua zerbitzuan 8 hilabetez bakarrik egon zen, Ernst Lindemann kapitainaren agindupean, Rheinübung kode izendapeneko operazio bakar batean parte hartuz. Honetan, Prinz Eugen gurutzaontziarekin batera, Atlantikoan AEBen eta Erresuma Batuaren arteko nabigazio aliatua erasotzea eta oztopatzea helburu zuten. Halere, aliatuek alemaniar ontziak Eskandinavia parean somatu eta haiek atzemateko Erresuma Batuak hainbat gerraontzi bidali zituen. Topaketa Danimarkako itsasarteko guduan jazo zen, bertan Bismarck korazatua Royal Navyko ikur zen HMS Hood gurutzaontzia hondoratu eta HMS Prince of Wales korazatuari kalte larriak eragin zizkion, baina era berean britainiar gerraontzien hiru kanoi tiro latz jaso zituen. Halere, gudu hartatik osorik ateratzea lortu zuen, alemaniar korazatuak ospe handia bereganatuz.

Balentria horren ondorioz, Royal Navy edo Erresuma Batuko Itsas Armadak, Hood gurutzaontziaren hondoratzea mendakatzeko asmoz, Bismarck korazatua atzemateko berehalako bilaketa etengabe bati ekin zion, horretarako dozenaka gerraontzi itsasoratu zituen. Handik bi egunetara, Frantzia Okupatuaren kostaldean nabigatzen ari zela, Fairey Swordfish hegazkin torpederoak eta HMS Ark Royal hegazkinontziak atzeman eta hondoratu egin zuten.

Kanpo estekak

• Datuak: Q150857
• Multimedia: Bismarck (ship, 1939) / Q150857