Androgenoa[1] edo hormona maskulinoa hormona esteroide maskulinoa da. Kanpoko organo genitalen garapena, espermaren sorrera eta bigarren mailako sexu-ezaugarrien agerpena errazten eta bultzatzen ditu. Barrabiletan, obulutegietan eta guruin adrenaletan jariatzen da.[2] Ziklopentanoperhidrofenantrenoren hormona hauek testosterona, androsterona eta androstenediona dira. Estrogenoen aurrekariak dira.