Transakzio finantzarioak zergapetzeko eta hiritarren ekintzarako elkartea[1] (frantsesez: Association pour la taxation des transactions financières et pour l'action citoyenne, attac), ATTAC bezala ezagunagoa, 1998an Frantzian sortutako elkarte altermundialista bat da eta 40 herrialde baino gehiagotan dago zabaldua[2].
| Transakzio finantzarioak zergapetzeko eta hiritarren ekintzarako elkartea | |
|---|---|
 | |
| Datuak | |
| Mota | presio-taldea |
| Jarduera | |
| Kidetza | Tax Justice Network (en)  |
| Kide kopurua | 90.000 |
| Agintea | |
| Lehendakaria | Geneviève Azam (en) |
| Egoitza nagusi | |
| Osatuta | ATTAC Belgium (en) ATTAC Denmark (en) ATTAC Finland (en) ATTAC France (en) ATTAC Germany (en) ATTAC Greece (en) ATTAC Iceland (en) ATTAC Ireland (en) ATTAC Jersey (en) ATTAC Portugal (en) ATTAC Spain (en) Attac Austria (en) Attac Norway (en) attac Suisse (en) |
| Historia | |
| Sorrera | 1998ko ekainaren 3a |
| Sortzailea | Bernard Cassen (en) Ignacio Ramonet (en) |
| Jasotako sariak | Sophie Prize |
webgune ofiziala  | |
Jatorria
ATTAC 1998an sortu zen Frantzian eta bere helburu nagusia nazioarteko transakzio finantzarioei zerga bat ezartzea zen (Tobin tasa), eta hala, kapital merkatuen aldakortasuna gutxitzea lortuko zen. 1997ko abenduan Ignacio Ramonetek editorial bat idatzi zuen Le Monde Diplomatique aldizkarian Tobin tasa indarrean jartzea eskatuz eta horren aldeko presio talde bat sortzea proposatuz. 1998ko ekainaren 3an ATTAC sortu zuen, Frantziako ezkerraren kide askoren partea hartzearekin. Gaur egun mugimendua Europako Mendebaldeko herrialde gehienetan eta Afrika eta Hego Ameriketako herrialde kopuru handian dago hedatua.
Aldarrikapenak
Attacen arabera, enpresa transnazionalek eta haien erabakiak babesten dituzten presio taldeek, herrialdeetako hautesleek beren ekonomien inguruan erabakitzeko gaitasuna nabarmenki gutxitu dute. Joera horri buelta emateko, mugimendu honek neurri hauek proposatzen ditu, besteak beste: Tobin tasa ezartzea mundu mailan, merkatu finantzarioen kontrola, paradisu fiskalak kentzea y hirugarren munduko herrialdeei zorra barkatzea.
Era berean, nazioarteko hainbat erakunde finantzarioen erabateko erreforma aldarrikatzen du. Erakunde hauetan kontrol demokratiko tresnak jartzea eskatzen dute, bereziki Munduko Merkataritza Erakundea (MMA), Nazioarteko Diru Funtsa (NDF), Munduko Bankua (BM), Ekonomia Lankidetza eta Garapenerako Antolakundea (ELGE) eta Zortziko taldea (G-8), besteak beste.
Nahiz eta Attac erabat kritikoa den neoliberalismoarekin ideia politikoekin lotutako kapitalen globalizazio prozesuekin, mugimendua ez du bere burua definitzen antiglobalizazio talde bezala; nahiago dituzte altermundismo edo alterglobalizazio terminoak, izan ere, globalizazio politika bat defendatzen dute non herrialde txiroenak elkartrukeak arautzeko nazioarteko kapital zentro handien gaitasun berdina izango duten.
Egitura
Elkartea modu deszentralizatuan funtzionatzen du. Tokiko elkarteak beren agenda propioa dute eta beren topaketak, hitzaldiak eta argitalpenak dituzte. Egoera politikoaren eta ekonomikoaren arabera, ekintzak modu aldakorrean antolatzen dira. Dena den, helburu orokorra hau da: ekonomia neoliberal hegemonikoaren aurka oposizio adimendun eta jantzia egingo duen hiritargoaren trebakuntza.
Attac, 2001ean Munduko Foro Sozialaren sorkuntza sustatu zuen mugimendu sozialetako bat da eta lehen foro hartan adostu zen dokumentuaren, 'Porto Alegreko konpromisoa'ren, erakunde sinatzailetako bat.
Partaide ezagunak
- Ignacio Ramonet
- Susan George
- Bernard Cassen
- Viviane Forrester
- Noam Chomsky
- Arcadi Oliveres i Boadella
- Daniel Raventós
- Éric Toussaint
- Aurélie Trouvé
- Manu Chao
- José Bové
Kritikak
Attacek bultzatutako politika ekonomikoak gogor kritikatuan izan nazioarteko finantza erakundeetako kideen eta zenbait ekonomisten aldetik, arbuiatuz gaur egun zaharkitua geratu den protekzionismoa ezarriko luketela.
Indarrean dagoen modeloaren arabera, protekzionismoak kalte egingo lieke babestu nahi dituen herrialdeei, izan ere, aurrerabide teknologikoa ez luke sustatuko eta nazioarteko espezializazioan oinarrituriko ekoizpenaren optimizazioa geldituko luke.
Haren aldekoek, aldiz, esaten duten liberalizazioaren onurak oso neurri txikian gordetzen direla bertako ekoizleentzat eta gutxieneko goraldi bat izatea funtsezkoa dela barne produktuen babes neurriak kendu aurretik.
Erreferentziak
Ikus,gainera
Kanpo estekak
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
