Újpest FC

Újpest FC (izen osoa Újpest Football Club) Budapest hiriburuko futbol taldea da, Hungariako onenetakoa, palmaresari dagokionez, Hungariako futbol liga 20 aldiz irabazi baitu eta beste 9 aldiz Kopa. Mitropa Kopa bitan irabazi zuen.

Újpest FC

Ezizena(k)	Lilák (moreak)
Sorrera	1885
Futbol zelaia	Szusza Ferenc Stadium edukiera: 13.501 lagun inaugurazioa: 1922
Presidentea	Roland Duchâtelet
Entrenatzailea	Nebojša Vignjević
Liga	Hungariako Liga
2023-24	10.a
Webgunea	Webgune ofiziala
Etxekoa 　 Kanpokoa

FC Steauaren aurkako partida.

Historia

Budapest ondoko Újpest herrian (egun, hiriburuko auzoa da) irakasle lanean ari zen János Gollek 1899an sortu zuen taldea, Újpesti Torna Egylet izenarekin. 1904an lehen mailara igo zen, baina lehenengo garaipenak ez zituen 1930. hamarkada arte lortu, 5 Liga eskuratu baitzituen eta bi Mitropa Kopa, garai hartako nazio arteko txapelketarik garrantzitsuena.

"Urrezko aroa" 1960. hamarkadan izan zuen, Europako txapelketetan ere maila bikaina emanik. 1960an irabazitako ligarekin hasi zuen bolada ona. 1962an Europako Errekopako final erdietara iritsi zen baina ACF Fiorentinak finaletik kanpo utzi zuen. 1967an Lajos Baróti entrenatzailea fitxatu zuen eta 1969an liga eta kopa irabazi zituen eta Ferietako Kopako finala jokatu. Newcastle Unitedek garaitu zuen, bi partidak irabazita, 3-0 eta 3-2. 1969 eta 1975 artean zazpi liga jarraian irabazi zituen, Hungariako talde indartsuena zela erakutsiz. Horretaz gain, Europako Kopako final laurdenetara iritsi zen 1972, 1973an eta 1974ean, final erdietara. Gero, Bayern Munichek —txapeldun izan zen— kanporatu zuen.

1980. hamarkadan, ligan ez zuen emaitza onik izan baina hiru kopa eskuratu zituen. Ordutik aurrera titulu batzuk irabazi ditu, 2002ko kopa eta superkopa eta azkenik 2014ko kopa eta superkopa. 2018an, beste kopa bat lortu zuen.

Palmaresa

Hungarian: 33

• Liga (20): 1930, 1931, 1933, 1935, 1939, 1945, 1946, 1947, 1960, 1969, 1970, 1971, 1972, 1973, 1974, 1975, 1978, 1979, 1990, 1998.
• Kopa (11): 1969, 1970, 1975, 1982, 1983, 1987, 1992, 2002, 2014, 2018, 2021.
• Hungariako Superkopa (3): 1992, 2002, 2014.

Nazio artean: 2

Europako Kopa

• final erdiak 1974ean.

Europako Errekopa

• final erdiak 1962an.

Hirietako Ferien Kopa

• Txapelduna (0)
• Finalista (1): 1969.

Mitropa Kopa

• Txapelduna (2): 1929, 1939.
• Finalista (1): 1967.

Euskal taldeen aurkako partidak

Hauek dira Europako txapelketa ofizialetan Újpestek euskal taldeen aurka jokatu dituen partidak:

Denboraldia	Txapelketa	Fasea	Etxekoa	Emaitza	Kanpokoa
1976-77	UEFA Kopa	1. itzulia	Újpest Athletic	1-0 5-0	Athletic Újpest
1977-78	UEFA Kopa	Final hamaseirenak	Újpest Athletic	2-0 3-0	Athletic Újpest
2006-07	UEFA Kopa	1. itzulia	Újpest Real Sociedad	1-1 1-0	Real Sociedad Újpest

Kanpo estekak

• (Hungarieraz)(Ingelesez) webgunea

• Datuak: Q244595
• Multimedia: Újpest FC / Q244595