Zuojiang Huashan labar-pinturak

Zuojiang Huashan labar-pinturak (txineraz: 花山 壁画) lurralde zabal batean aurki daitezkeen margolanak dira. Margo horiek mendeak dituzte eta Txina hegoaldeko Guangxiko kareharriko labarretan aurkitu dira, Ming ibaiaren mendebaldeko ertzan, Nonggang erreserba naturalean, Yaoda hiriaren lurretan, agian egungo zhuang herriaren aurrekariak. 2016ko uztailaren 15etatik UNESCOren Gizateriaren Ondarearen izendapena dute.^[1]

Zuojiang Huashan labar-pinturak
Jatorria
Ezaugarriak
Genero artistikoa	Labar-pintura
Kokapena
Estatu burujabe	Txinako Herri Errepublika
Eskualde autonomo	Guangxi
Prefektura mailako hiri	Chongzuo
Konderri	Ningming County
Koordenatuak	22°15′42″N 107°00′37″E

Ezaugarriak

Lurralde horretan 38 leku aurkitu dira. Margo horiek Iuoyue herriaren ohiturak jasotzen dituzte. Margoak ibaiaren gaineko 30 metroetatik 90 metroetara aurkitu diram 170 metroko luzera eta 40 metroko zabalera dituen labar batean. Txinako labar-pintura handienak dira. Guztira 1900 irudi biltzen ditu, 110 taldetan antolatuta. Margo nagusia gorria da; horretarako hematitak eta animalien odola erabili zuten.

Irudietan giza irudiak eta animaliak ikusten dira; horiekin batera, aiztoak, kanpaiak, itsasontziak eta danborrak biltzen dira. Giza irudiak handiagoak dira: batek 150 zm. garaiera du.

Datzioa ez dago oso garbi. K.a.V. mendetik K.o. II mende artekoak izan daitezke. Dena dela, karbonoarekin egindako datazio berrien arabera zaharragoak izan daitezke: zaharrenek 16.000 urte izan ditzakete; berrienek 690 urte. Tinako historian kokatuta, Erresumen arteko borroken garaietatik Han dinastia arte joango lirateke.^[1]

Erreferentziak

1. http://whc.unesco.org/en/list/1508

Kanpo loturak

• (Ingelesez):The Rock Art of Huashan.
• (Ingelesez):Bideoa Youtuben.
• (Ingelesez):China Discovery.

• Datuak: Q1632877
• Multimedia: Rock Paintings of Hua Mountain / Q1632877

Wikimedia Commonsen badira fitxategi gehiago, gai hau dutenak: Zuojiang Huashan labar-pinturak