igerilari txinatarra From Wikipedia, the free encyclopedia
Zhang Yufei (txinera sinplifikatuz: 张雨霏; pinyinez: Zhāng Yǔfēi, Xuzhou, 1998ko apirilaren 19a) igerilari txinatarra da. Tokio 2020ko Olinpiar Jokoetan lau domina lortu zituen, urrezko bi eta zilarrezko bi. Paris 2024ko Olinpiar Jokoetan ez zuen txapelketarik irabazi baina sei domina eskuratu zituen, zilarrezkoa bat eta brontzezkoak bost. Paris 2024an domina gehien irabazi zituen kirolaria izan zen ondorioz, beste inork ez baitzituen sei eskuratu.[1]
Zhang Yufei | |
---|---|
Bizitza | |
Jaiotza | Xuzhou, 1998ko apirilaren 19a (26 urte) |
Herrialdea | Txinako Herri Errepublika |
Hezkuntza | |
Heziketa | Nanjing Sport Institute (en) |
Jarduerak | |
Jarduerak | igerilaria |
Parte-hartzailea
| |
Pisua | 57 kilogramo |
Altuera | 174 zentimetro |
Amak bultzatuta, hiru urterekin hasi zen igeri egiten, ama bera entrenatzaile zuela. 14 urte baino ez zituela, 2008an, txapeldun olinpikoa izandako Liu Zige garaitu zuen 200 m tximeleta proban, Pekinen jokaturiko Munduko Kopan, eta, hurrengo urtean, Txinako igeriketa selekzioan sartu zen. 2014an egin zuen nazioarteko debuta, Gazteen Udako Olinpiar Jokoetan, eta bost domina eskuratu zituen, hiru urrezko eta zilarrezko bi.[2]
Tokioko Olinpiar Jokoetan (2020koak izenez, baina 2021ean eginak) urrezko bi domina eskuratu zituen, 200 m tximeletan (Olinpiar errekorra hautsiz 2.03.86 denborarekin) eta 4x200 m librean (taldeak munduko errekorra hautsi zuelarik 7:40,33 denborarekin); honako hauek osatzen zuten taldea: Yang Junxuan, Tang Muhan, Zhang Yufei, Li Bingjie, Dong Jie eta Zhang Yifan-ek; azken biak ez zuten finalean (munduko errekorreko lorpenean) parte hartu.[3] 100 m tximeletan, bigarren egin zuen Maggie MacNeil kanadarrarengandik 5 ehunenekotara.[4][5]
2024an, Parisko Jokoetarako prestakuntza fasean, apirilean albistea zabaldu zuen AEBetako The New York Times egunkariak Txinako igerilarien taldeko 23 kidek dopin positiboa eman zutela jakinarazi zuen. Trimetazidina (TMZ) izan omen zen gai debekatua, eta Tokioko Jokoak baino lehenago gertatu omen zen kasua. 23 igerilarien artean omen zegoen Zhang.[6]
Txinak azalpenak eman zizkion Munduko Anti-Dopin Agentziari (WADA), jandako zerbaiten ondorioak agertu zirela analisietan, eta WADAk ontzat eman zuen azalpena, kontua horretan geratu zelarik.
Nolanahi ere, 2024an zehar Txinako igerilariek beste inongo herrialdeetakoek baino kontrol gehiago izan zituztela jakinarazi zen. Igerilari bakoitzeko 21 test, kopuru ertain gisa, eta kasu guztietan emaitza negatiboekin.[6]
Parisko igerileku olinpikoan, azkenik, Zhang brontzezko hiru domina lortu zituen banakako probetan (50 m estilo librea, 100 m tximeleta eta 200 m tximeleta), eta erreleboetan zilar bat (4x100 m medley mistoa) eta beste bi brontze (4x100 m estilo librea eta 4x100 medley emakunezkoena). Urrerik gabe, baina Parisko banakako kirolari guztien artean domina gehien, sei, beste inork lortu ez zuena.[1]
Joko Olinpikoak | ||||
---|---|---|---|---|
Urtea | Lekua | Domina | Proba | Marka |
2020 | Tokio Japonia |
100 metro tximeleta[7] | 55.64 | |
2020 | Tokio Japonia |
200 metro tximeleta[8] | 2:03.86 | |
2020 | Tokio Japonia |
4x200 Estilo libreko erreleboa,(ME), emakumezkoa[9] |
7:40.33 | |
2020 | Tokio Japonia |
4x100 Igeri-estiloko erreleboa mistoa[10] |
3:38.86 | |
2024 | Paris Frantzia |
4x100 m medley mistoa | 3:37.55 | |
2024 | Paris Frantzia |
50 m estilo librea | 24.20 | |
2024 | Paris Frantzia |
100 m tximeleta | 56.21 | |
2024 | Paris Frantzia |
200 m tximeleta | 2:05.09 | |
2024 | Paris Frantzia |
4x100 m estilo librea | 3:30.30 | |
2024 | Paris Frantzia |
4x100 medley | 3:53.23 |
Munduko Uretako txapelketak | ||||
---|---|---|---|---|
Urtea | Lekua | Domina | Proba | Marka |
2015 | Kazan ( Errusia) | 200 metro tximeleta | 2:06.51 | |
2015 | Kazan ( Errusia) | 4 × 200 m erreleboak libre | 7:49.10 | |
2017 | Budapest ( Hungaria) | 4 × 100 m medley erreleboak mixtoa | 3:41.25 | |
Munduko Igeriketa txapelketak | ||||
Urtea | Lekua | Domina | Proba | Marka |
2014 | Doha ( Qatar) | 400 metro libre | 3:59.51 | |
2016 | Windsor ( Kanada) | 200 metro tximeleta | 2:05.10 | |
2017 | Hangzhou ( Txina) | 4 × 100 m medley | 3:48.80 | |
Asiako Jokoak | ||||
Urtea | Lekua | Domina | Proba | Marka |
2014 | Incheon ( Hego Korea) | 4 x 100 m libreak | 3:37.25 | |
2018 | Jakarta ( Indonesia) | 200 metro tximeleta | 2:06.61 | |
2018 | Jakarta ( Indonesia) | 4 × 100 m medley erreleboak mixtoa | 3:40.45 | |
2018 | Jakarta ( Indonesia) | 100 metro tximeleta | 57.40 | |
Gazteen Olinpiar Jokoak | ||||
Urtea | Lekua | Domina | Proba | Marka |
2014 | Nanjing ( Txina) | 4 x 100 m librea | 3:41.19 | |
2014 | Nanjing ( Txina) | 4 × 100 m medley | 4:03.58 | |
2014 | Nanjing ( Txina) | 4 × 100 m medley erreleboak mixtoa | 3:49.33 | |
2014 | Nanjing ( Txina) | 100 metro tximeleta | 57.95 | |
2014 | Nanjing ( Txina) | 200 metro tximeleta | 2:08.22 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.