Ugarte baserria
eraikitako euskal ondare nabaria Asteasun From Wikipedia, the free encyclopedia
Ugarte baserria Asteasun (Gipuzkoa) dagoen baserria da, XVI. mendean eraikia. Behe Bailaran kokatua dago, muino baten oinean.
- Artikulu hau Asteasuko baserriari buruzkoa da; beste esanahietarako, ikus «Ugarte (argipena)».
| Ugarte baserria | |
|---|---|
 Eraikitako euskal ondasun nabarmena | |
 | |
| Kokapena | |
| Herrialdea |  Euskal Herria |
| Probintzia |  Gipuzkoa |
| Udalerria | Asteasu |
| Koordenatuak | 43°11′22″N 2°04′31″W |
 | |
| Altitudea | 80 m, itsas mailaren gainetik |
| Historia eta erabilera | |
| Irekiera | XVI. mendea |
| Arkitektura | |
| Azalera | 460 m² |
| Ondarea | |
| EJren ondarea | 18 |
2005eko abuztuaren 3an, Eusko Jaurlaritzak monumentu izendatu zuen, Sailkatutako Kultura Ondasuna.
Bolumen handiko baserri bat da, oin angeluzuzenekoa, eta gainean zurezko bi isuriko estalki bat, fatxada nagusiarekin elkarzuta den gailur batekin. Bi solairu eta ganbara ditu baserriak.
Kanpoaldea
Fatxada nagusia (hego-ekialdera) harlangaitzezkoa da eta harlanduzko eskantzuak ditu. Behe-solairuan ageriko harlangaitza ikus daiteke. Lehen solairuan eta ganbaran, bestalde, zurezko bilbadurak erabili dira eta harlangaitza zarpiatua eta zuritua da. Ipar-ekialdeko fatxada harlangaitzezkoa da eta, kasu honetan ere, zurezko bilbadurak erabili dira behe-solairuan, eta harlangaitzezko horma-atalak ikus daitezke, zarpiatuak eta zurituak. Hego-mendebaldeko fatxada harlangaitzezkoa da eta hutsune ataburudun batzuk ikus daitezke, harlanduz apainduta. Alde horretan zubi bat dago eta bertatik zuzenean iristen da lastategira. Ipar-mendebaldeko fatxadan (harlangaitzezkoa) sei hutsune txiki ikus daitezke (leihoak), modu irregularrean banatuta.
Fatxada nagusiaren hegoaldean itsatsita dagoen zatia ez da monumentuaren zati gisa ulertu.
Barnealdea
Eraikinaren barrualdean hamalau osoko zutabe daude, haritz zurez eginak (bi dolare gotikoren zutabeek osatutako bastidoreak dira), eta behe-solairuan kokatutako zapatek eusten dituzte. Egituraren ardatz dira aipatutako zutabeak eta barrualdean dolare gotikoko habe bat osatzen dute. XVI. mendean eraiki zen baserria, eta ipar-mendebaldeko aldean hormarte bat gehiago jarri zitzaion.
Datuak: Q8342007
Multimedia: Ugarte baserria / Q8342007
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
