![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cb/Ladera_del_Balc%25C3%25B3n_de_Pilatos.jpg/640px-Ladera_del_Balc%25C3%25B3n_de_Pilatos.jpg&w=640&q=50)
Ubabako begiratokia
From Wikipedia, the free encyclopedia
Ubabako begiratokia, Ubabako amildegia edo Otsaportilloko Pilatosen balkoia, Urbasa-Andia natura parkean dagoen behatoki eta amildegi bat da, Urbasa mendilerroaren hegoaldeko isurialdean eta Nafarroa Garaian. Bakedano kontzejuaren lursailetan dago, Urederra ibaiaren iturburitik hurbil. Urederra iturburuko ur-jauzia ere amildegiaren beheko aldean dago. Behatoki honetatik Ameskoa eskualdearen ikuspegi bikainak daude.
![Thumb image](http://upload.wikimedia.org/wikipedia/commons/thumb/c/cb/Ladera_del_Balc%C3%B3n_de_Pilatos.jpg/640px-Ladera_del_Balc%C3%B3n_de_Pilatos.jpg)
924 metroko garaieran dago, eta amildegiak 300 metro garaierako erdi-zirkulu itxurako harkaitzezko zirkua osatzen du. Amildegiaren hormak ohiko putre eta sai zurien bizilekuak dira, eta zortea izanez gero ugatzak ere ikus daitezke.
Mendizale, ibiltari eta zikloturisten ohiko helmuga da. Urteko edozein garai da egokia bazter horretaz gozatzeko; hala eta guztiz ere, elurra dagoenean ez joateko gomendatzen da errepidea itxita izaten delako eta arriskutsua izaten ahal baita.