Txikipedia:Zelta
From Wikipedia, the free encyclopedia
Zeltak antzinako herri multzo bat ziren, Europako erdialdeko zati handi batean bizi zirenak eta indoeuropar hizkuntzak erabiltzen zituztenak; Britainia Handiko uharteetara, Irlandara eta Iberiar penintsulara ere iritsi ziren. Iberiar penintsulara K.a. 1200. urtearen inguruan iritsi ziren, eta iparraldean, erdialdean eta isurialde atlantikoan finkatu ziren.
![Thumb image](http://upload.wikimedia.org/wikipedia/commons/thumb/b/b0/Pectoral_celt%C3%ADbero_de_Anguita_%28M.A.N._Inv.1940-27-AA-314%29_01.jpg/640px-Pectoral_celt%C3%ADbero_de_Anguita_%28M.A.N._Inv.1940-27-AA-314%29_01.jpg)
Iberiar penintsulako herri zeltak multzo berean sartzen ditugu; hala ere, kontuan izan behar dugu herri horien artean ezberdintasun asko zeudela; bazeuden, adibidez, galaikoak, asturrak eta kantabroak iparraldean; gaur egungo Gaztela eta Leon aldean, bakzeoak; penintsulako erdialdean, karpetaniarrak; eta gaur egungo Extremaduran eta Portugale aldean, lusitaniarrak.