Txikipedia:Taliban
From Wikipedia, the free encyclopedia
Talibanak 1990eko hamarkadaren erdialdean Afganistango agintea eskuratu zuen talde erlijiozale eta politiko bat dira. "Taliban" hitzak "ikasle" esan nahi du paxtuneraz (paxtunera Afganistango hizkuntza ofiziala da). Taldea osatu zenean, kide gehienak islamdar erlijio-eskoletako ikasle ohiak ziren. Talibanak lege islamiar zorrotzak ezartzeagatik eta terrorismoaren alde egoteagatik egin ziren ezagun.
1978 eta 1992 artean, afganiar musulmanek gerra zibila egin zuten Afganistango gobernu komunistaren aurka. 1992an desegin zen gobernu komunista, eta hainbat talde elkarren aurka borrokatu ziren orduan herrialdeko agintea eskuratzeko. Talibanak izan ziren talde horietako bat. 1994an, talibanek Kandahar probintzia hartu zuten mendean, herrialdearen hegoaldean. 1996ko amaiera aldera, talibanek Kabul hiriburua hartu zuten, eta 2001erako Afganistango iparralde ia osoan agintzen zuten, zati txiki batean izan ezik.