Txikipedia:Sofia
From Wikipedia, the free encyclopedia
Sofia Europa ekialdeko hiri bat eta Bulgaria izeneko herrialdeko hiriburua da. Herrialde horretako hiririk handiena ere bada eta 1,2 milioi biztanle inguru ditu, 2017ko datuen arabera. Bulgariako sei biztanletik bat bizi da hiriburuan. Haietako gehienak bulgariarrak dira, baina turkiar jatorrikoak ere badaude; gehienak kristau ortodoxoak dira erlijio aldetik.
![Thumb image](http://upload.wikimedia.org/wikipedia/commons/thumb/9/92/Bulgaria-geographic_map-en.svg/640px-Bulgaria-geographic_map-en.svg.png)
Bulgariako gobernuaren egoitza da, eta, gainera, herrialdeko enpresa, kultura-erakunde, museo eta unibertsitaterik garrantzitsuenak ere hiri horretan daude.