Txikipedia:Sable horzdun tigre
From Wikipedia, the free encyclopedia
Sable horzdun tigrea iraungitako espezie bat da, felidoen familiakoa, Pleistozeno garaian (duela 8.000 urte ingurura arte) bizi izan zena. Zientzia izena Smilodon fatalis du.
![Thumb image](http://upload.wikimedia.org/wikipedia/commons/thumb/0/00/Smilodon_fatalis_Sergiodlarosa.jpg/320px-Smilodon_fatalis_Sergiodlarosa.jpg)
Dinosauroak desagertu eta urte asko geroago, sable horzdun tigreak bilakatu ziren harrapari nagusiak historiaurrean. Ugaztun hauen izenak haien hortz luze kurbatuetatik datoz, letagin luzeetatik, hain zuzen, sable izeneko ezpaten antz pixka bat dutelako. Felidoen familiakoak izanda, sable horzdun tigre guztiak eta gaur egungo katuak urruneko ahaideak direla esan daiteke.