Txikipedia:Neoklasizismo
From Wikipedia, the free encyclopedia
Neoklasizismoa mugimendu artistiko bat izan zen, Europan XVIII. mendean sortu zena. Izen hori du antzinako Antzinako Grezia eta Erromako kultura klasikoa eta haren balio estetikoak "berreskuratu" nahi izan zituelako, aurreko mendean nagusi izandako kultura Barroko eta rokokoaren gehiegikera estetikoen kontrako erreakzio bezala.
![Thumb image](http://upload.wikimedia.org/wikipedia/commons/thumb/1/18/036_-_Grand_Th%C3%A9%C3%A2tre_si%C3%A8ge_de_l%27Op%C3%A9ra_national_-_Bordeaux.jpg/640px-036_-_Grand_Th%C3%A9%C3%A2tre_si%C3%A8ge_de_l%27Op%C3%A9ra_national_-_Bordeaux.jpg)
Dena dela, neoklasizismoa klasizismoa berritzeko saio bat baino gehiago ere izan zen. Ilustrazio frantsesaren garaian sortu ondoren, garai berri horretako sinpletasun, seriotasun eta arrazionaltasun balioak islatu nahi izan zituen, antzinate klasikoaren bidetik. Hori dela eta, esan daiteke Ilustrazioari lotutako mugimendu artistikoa dela.
Klasizismoak bezala, neoklasizismoak ere eragin nabaria izan zuen hainbat arte-motatan, literatura, margolaritza, arkitektura eta musikan, bereziki. Napoleonen garaiko Frantzian sortu zen eta Erromantizismoaren agerpenarekin hasi zen gainbehera.