Txikipedia:Musika nota
From Wikipedia, the free encyclopedia
Musika-notak musika-soinuak adierazten dituzten zeinu edo ikurrak dira. Zazpi dira:
- Do
- Re
- Mi
- Fa
- Sol
- La
- Si
![Thumb image](http://upload.wikimedia.org/wikipedia/commons/thumb/2/25/YB0104_Valeur_relative_notes.png/640px-YB0104_Valeur_relative_notes.png)
Segida horri alfabeto musikala deitzen zaio eta pentagrama delakoan irudikatzen da. Pentagraman, nota-irudiak soinuaren altuerari dagokion posizio batean kokatzen dira (lerro baten gainean edo lerro-tarte batean). Altuera horrek soinu bakoitza zeinen altua edo baxua den adierazten du. Soinua bibrazio edo uhinez osatuta dago; uhin horiek halako abiadura, frekuentzia edo maiztasun batez bibratzen dute, eta soinuen altuera bibrazio horien maiztasunaren arabera aldatzen da: zenbat eta maiztasun azkarragoa izan, orduan eta altuagoa da soinua, eta, beraz, nota.
Zortzidun bakoitzean izen berbera duten notek maiztasun desberdina dute; zehazki, goragoko oktaba edo zortziduneko nota baten maiztasuna beheko oktabako notarena baino bi aldiz handiagoa da.