Txikipedia:Leonhard Euler
From Wikipedia, the free encyclopedia
Leonhard Euler (Basilea, Suitza, 1707ko apirilaren 15a - San Petersburgo, Errusia, 1783 irailaren 18a) matematikari eta fisikari suitzar bat izan zen, historiako matematikari handienetakoa, Arkimedesekin edo Newtonekin batera. Ekarpen eta aurkikuntza garrantzitsuak egin zituen bere garaiko matematika-arlo ia guztietan, eta, gainera, terminologia eta notazio matematiko modernoaren sortzaileetakoa izan zen. Fisikan, mekanikan, hidrodinamikan, optikan eta astronomian ere lan garrantzitsuak egin zituen.
![Thumb image](http://upload.wikimedia.org/wikipedia/commons/thumb/6/60/Leonhard_Euler_2.jpg/320px-Leonhard_Euler_2.jpg)
Haren omenez, asteroide bati eman zaio haren izena, eta haren aurpegia azaldu da Suitzako dirupaper batzuetan.
![Thumb image](http://upload.wikimedia.org/wikipedia/commons/thumb/b/b9/Euler-10_Swiss_Franc_banknote_%28front%29.jpg/640px-Euler-10_Swiss_Franc_banknote_%28front%29.jpg)
Nahiz 60 urte zituela itsu gelditu zen, bere ikerketa-lanekin aurrera jarraitu zuen.
Esaten da matematikaren historian matematikari buruz orrialde gehien idatzi duen pertsona Euler dela, Paul Erdősekin batera.