Txikipedia:Janari-intoxikazio
From Wikipedia, the free encyclopedia
Janari-intoxikazioak gure janarian edo edarian egon daitezkeen bakterioek, birusek edo bestelako germenek eragiten dituzte.
![Thumb image](http://upload.wikimedia.org/wikipedia/commons/thumb/6/62/Spoiled_companion_still_life.jpg/320px-Spoiled_companion_still_life.jpg)
Janari-intoxikazioak ekartzen dituzten germenak gure gorputzean sartzen direnean, toxinak bota ditzakete. Toxina horiek pozoia bezala dira (hortik dator "janari-intoxikazio" hitza) eta beherakoa eta goragalea eragin ditzakete infekzioa sortu eta ordu gutxira. Hala ere, janari-intoxikazioa nahiko bizkor sendatzen da: jende gehiena pare bat egunean sendatzen da, ondorio iraunkorrik jasan gabe.
Kasu gutxi batzuetan, janari-intoxikazioa larria bada, baliteke sendagilearengana edo erietxera joan behar izatea. Janari-intoxikazioa jasaten ari diren pertsonek tratamendu medikoa behar dutenean, deshidratatuta daudelako izaten da normalean. Deshidratazioa izaten da janari-intoxikazioak ekartzen duen arazo larriena.