Txikipedia:Hazi
From Wikipedia, the free encyclopedia
Hazia fruituen zati bat da, landare berri bat sor dezakeena. Landare gehienek hazi gisa hasten dute bizitza. Landareek loreen edo pinaburuen barruan eratzen dituzte haziak. Loredun landareetan haziak fruitu batek inguratzen ditu askotan.
Haziek baldintza egokiak behar dituzte ernetzeko edo landare berri bat sortzeko. Airea, ura, tenperatura egokia, lurzoruaren baldintza onak eta argi-kantitate egokia behar dituzte.
Hazi batek miniaturazko landare bat du, enbrioi izenekoa, erabat garatutako landare bihurtu arte handituko dena. Hazi baten kanpoko oskolak enbrioia babesten du. Haziaren barruan, material elikagarri batek janaria ematen dio enbrioiari. Loredun landareetan, material horri endosperma deitzen zaio.
Haziak elikagai-iturri garrantzitsuak dira pertsona eta animalientzat. Elikatzeko erabiltzen diren haziei ale deitzen diegu. Haziak olioak, espeziak, tinduak eta oihalak egiteko ere erabiltzen dira.