Txikipedia:Haurren Eskubideei buruzko Hitzarmena
From Wikipedia, the free encyclopedia
Nazio Batuen Haurren Eskubideei buruzko Hitzarmena munduko haur guztien oinarrizko eskubideak babesten eta bultzatzen dituen hitzarmen bat da. Nazio Batuen Batzar Nagusiak onartu zuen 1989an, eta munduko herrialde gehienek onartutako nazioarteko hitzarmen garrantzitsuenetako bat da.
![Thumb image](http://upload.wikimedia.org/wikipedia/commons/thumb/d/db/Children_playing_02.jpg/640px-Children_playing_02.jpg)
Hitzarmen horretan, sinatzen duten herrialdeek aitortzen dute haur guztiek oinarrizko hainbat eskubide dituztela, beren bizilekua, etnia, erlijioa, generoa... edozein dela ere; sinatzen duten herrialdeek eskubide horiek errespetatzeko eta errespetarazteko konpromisoa hartzen dute. Honek esan nahi du herrialde hauek haurrentzat mesedegarriak diren legeak egingo dituztela, eta haurren ongizatea bermatzeko behar diren baliabideak erabiliko dituztela. Gainera, horretarako, Hitzarmenaren arabera, lege horiek egiterakoan haurrek eskubidea dute entzunak izateko eta beraiengan eragina izango duten erabakietan parte hartzeko.