Txikipedia:Gripe
From Wikipedia, the free encyclopedia
Gripea gaixotasun kutsakor bat da, arnas aparatuari eragiten diona. Birus batek eragiten du, eta batez ere urte-sasoi hotzetan infektatzen du jendea. Baina txoriak eta zenbait ugaztun ere kutsa ditzake, txerriak edo zaldiak, adibidez. Gripearen birusak 80 eta 120 nanometro neurtzen du, eta modu desberdinetan irits daiteke sudurrean, ahoan edo begietan dugun mukosa edo muki-mintzera; ohikoena, listu-ttantta txikien bitartez izaten da: gripea duen norbaitek, doministiku egitean, listu- tanta txikitxo batzuk botako ditu airera; ttantta horiek objektuen gainera edo eskuetara iritsiko dira, edo gure arnasbideetara. Eskuez ukitzen baditugu holako ttanttak dituen objektu bat eta eskuak ahora edo sudurretara eramaten baditugu, birusa gure arnas sistemara sartu eta gaixotu egingo du.
![Thumb image](http://upload.wikimedia.org/wikipedia/commons/7/73/Disease_transmission_sneezing.png)
![Thumb image](http://upload.wikimedia.org/wikipedia/commons/thumb/c/cb/Influenza_virus_particle_8430_lores.jpg/640px-Influenza_virus_particle_8430_lores.jpg)