Txikipedia:Eris (planeta nanoa)
From Wikipedia, the free encyclopedia
Eris Eguzki-sistemako planeta nano bat da; hau da, eguzkia orbitatzen duen eta forma ia esferikoa duen astro bat da, planeta bat bezalakoa, baina planetak baino txikiagoa.
![Thumb image](http://upload.wikimedia.org/wikipedia/commons/thumb/2/21/10_Largest_Trans-Neptunian_objects_%28TNOS%29.png/640px-10_Largest_Trans-Neptunian_objects_%28TNOS%29.png)
2005ean aurkitu zuten, Estatu Batuetako Kalifornian dagoen Palomar behatokitik egindako argazkietan ikusita. Aurkitzaileak Michael E. Brown, Chad Trujillo eta David Rabinowitz astronomoak izan ziren. Kuiper gerrikoko objektu berriari 2003 UB313 behin-behineko izena jarri zioten, eta "hamargarren planeta" deitu zioten. 2006an jarri zioten izen ofiziala, Eris. Eris, antzinako greziar mitologian, liskarraren eta desadostasunaren jainkosa da.