Txikipedia:Denbora geologiko
From Wikipedia, the free encyclopedia
Denbora geologikoa Lur planeta garatzen hasi zenetik igaro diren milaka milioi urteak dira. Geologoek egindako denbora-eskala bat da, edo, nolabait esateko, Lurraren historia geologikoaren "egutegi" moduko bat.
![Thumb image](http://upload.wikimedia.org/wikipedia/commons/thumb/a/a8/Denbora_geologikoa.jpg/640px-Denbora_geologikoa.jpg)
Denbora geologikoaren eskala edo egutegi hori duela 4.000 milioi urte hasten da, gure planetako lurrazala sortu zenean. Lurra bere gainazala baino pixka bat zaharragoa da, baina sortu zenean materia likido bero batez osatuta zegoen. Hoztu ahala, planetaren azalera solidotu egin zen. Orain arte aurkitutako arrokarik zaharrenek 4.000 milioi urte inguru dituztela zehaztu ahal izan dute geologoek; lurrazalak ere gutxi gorabehera adin hori bera izan behar duela uste dute.