Txikipedia:Autismo
From Wikipedia, the free encyclopedia
Autismoa garunaren garapenari eragiten dion nahasmendu bat da. Autismoa duten pertsonei autista deitzen zaie. Oro har, pertsona autistei kosta egiten zaie haien inguruarekin harremanak izatea eta jokaera berezia izaten dute beste pertsonek dutenarekin alderatuz. Autismoaren lehen zantzuak haurrak bi edo hiru urte dituenean ikusten dira.
![Thumb image](http://upload.wikimedia.org/wikipedia/commons/thumb/c/ca/Autism-stacking-cans_edit.jpg/320px-Autism-stacking-cans_edit.jpg)
Autismoa haurra jaio aurretik eta ondoren garuna garatzen den moduak eragiten du. Gutxi gorabehera, 160 haurretik batek du autismoaren espektroko nahasmendua. Autismoak ez du sendabiderik, baina autista askok ez dute nahi sendabiderik egotea ere, haiek diren bezala onartzea besterik ez dute nahi. Neurodibertsitatea deitzen zaio honi.