Txikipedia:Akuifero
From Wikipedia, the free encyclopedia
Akuiferoa lurpeko harkaitz edo sedimentu geruza bat da, materialen artetik urari pasatzen uzten diona eta bere barruan lurpeko ura pilatzen uzten duena. Ura pilatu ahal izateko, beharrezkoa da geruza iragazgaitz bat (urari pasatzen uzten ez diona) egotea akuiferoaren beheko aldean. Beste batzuetan, aldiz, ura barrunbe edo haitzulo batean pilatu beharrean, lurpeko ibaien antzeko batzuk sortzen dira, lur azaleko punturen batean lur gainera itzultzen diren arte; puntu horiek iturburuak dira.
![Thumb image](http://upload.wikimedia.org/wikipedia/commons/thumb/7/77/Aquifer_eu.png/640px-Aquifer_eu.png)
Lurpeko geruza horietatik edo lurpeko uretatik, posible izaten da ura atera ahal izatea putzuak erabiliz. Lurpean pilatutako urak akuiferoan duen goiko mailari maila freatiko deitzen zaio.