Txikipedia:Zeelanda Berria

Zeelanda Berria Ozeanian dagoen herrialde bat da. Wellington da bertako hiriburua. Hiri handiena Auckland da.

   Ba al dakizu   

Munduaren bola batean begiratzen baduzu, gutxi gorabehera Zeelanda Berria Euskal Herriaren kontrako puntan dagoela ikusi ahal izango duzu. Hau da, marra zuzen bat egin ahalko balitz Euskal Herritik, munduaren barruko erdi-erditik pasatuz, herrialde honetara iritziko litzateke.

Zeelanda Berriaren kokalekua munduan.

Zeelanda Berriko bandera.

Datuak

Zeelanda Berriak 268.021 km² ditu azaleraz eta 5 milioi pertsona bizi dira bertan. Populazioaren %53a lau hiri handienetan bizi da.

Hiri handienak honako hauek dira:

• Auckland (1.534.700 biztanle)
• Wellington (412.500 biztanle) - hiriburua
• Christchurch (396.700 biztanle)
• Hamilton (235.900 biztanle)

Zeelanda Berriko jatorrizko biztanleak Maoriak dira.

Geografia

Zeelanda Berriak bi uharte handi ditu; iparraldekoa eta hegoaldekoa. Wellington hiriburua bi uharteen arteko Cook itsasartean dago kokaturik. Oso menditsua da, batez ere hegoaldeko uhartea. 3.000 metrotatik gorako altuera duten 18 mendi daude hegoaldeko uhartean.

Oso paisaia polita du. Hainbat filme grabatu dira Zeelanda Berrian, adibidez Avatar, Eraztunen Jauna, Hobbita, Narniako kronikak eta King Kong.

Animalia bereziak

Australian animalia berezi ugari daude, adibidez kiwia.

Kirolak

Britainiarrek ekarritako kirolak dira jarraitzaile gehien dituztenak. Errugbi selekzioa munduko onena da eta bere haka dantza oso ezaguna da. Beltzez jantzita doazenez, All blacks izenarekin ezagutzen dira.

Irudiak

• 
  Auckland.
• 
  Wellington.
• 
  Aoraki mendia.
• 
  Gunn aintzira.
• 
  Aintzira esmeraldak.
• 
  Eraztunen Jauna filmeko Hobbiton herrixka.
• 
  Kiwia.
• 
  Errugbi selekzioa haka dantzatzen.

Deutsch