Thomas Cook (Melbourne, Derbyshire, 1808ko azaroaren 22a - Leicester, Ingalaterra, 1892ko uztailaren 18a) Thomas Cook & Son (Cook's Tours ezizenaz ezaguna) bidaia-agentziaren sortzailea izan zen. Thomas Cook AG izena hartu zuen Thomas Cook Group hartu aurretik.
Thomas Cook | |
---|---|
![]() | |
Bizitza | |
Jaiotza | Derbyshire, 1808ko azaroaren 22a |
Herrialdea | ![]() |
Heriotza | Leicester, 1892ko uztailaren 18a (83 urte) |
Hobiratze lekua | Welford Road Cemetery (en) ![]() Leicester |
Hezkuntza | |
Hizkuntzak | ingelesa |
Jarduerak | |
Jarduerak | ekintzailea |
Sinesmenak eta ideologia | |
Erlijioa | Baptismoa |
thomascook.com | |
![]() ![]() |
Bizitza
1841eko uztailaren 5an, Leicesterren (Ingalaterra) 570 lagun Loughboroughera joan ziren Midland Counties Railway konpainiaren pleitatutako trenean, biltzar antialkoholiko batean parte hartzeko. Itxuraz, historian iragarritako lehen tren bidaia izan zen eta, beraz, lehen bidaia antolatua. Thomas Cookek, behin, ia hamazortzi kilometro egin zituen oinez edari alkoholdunen aurkako bilera batera joateko, eta orduan bururatu zitzaion txangoa antolatzea. Ez dirudi lehen bidaia hark onura ekonomikorik ekarri zionik[1].
Horrek ez du esan nahi jarduera berritzaileari esker etorkizunean etekinik lortu ez zuenik. Burgesiari aisia-bidaia arin eta merkeak eskaintzeko negozioa zabaldu zuen berehala, beti ere trena baliatuta. 1851n 165.000 pertsona eraman zituen Londresko Erakusketa Unibertsalera eta, handik lau urtera, Leicesterretik Calaiserako txangoak antolatuta, kontinentera jauzi egin zuen bidaiariak Pariseko Erakusketara helarazteko[1].
1856an Europa Iparraldean barnako bira antolatu zuen. 1868an Harwich bidean bidaiarien zirkulazioa ustiatzeko esklusiba lortu zuen eta, berehala, baita Brenneroko portuaren eta Brindisiren arteko bidearena ere. Bide hura, Frantziaren eta Prusiaren arteko gerran, Cooken turismo enpresarentzat soilik egon zen irekita. Hotelekin hitzartutako bonuak ere alkoholaren aurkako militante honek asmatu zituen, bezeroen ordainketa errazteko[1].
Cookek 1864an Italiara lehen txangoa antolatu zuenean, zera esan zuen Blackwood´s Magazine aldizkariak: «Lotsarik gabeko gizon batek diru kopuru baten truk 40 edo 50 lagun Londrestik Napolira gidatzeko proiektua asmatu du. Haiek eraman, jatekoa eman eta dibertiarazteko konpromisoa bere gain hartzen du gizon horrek. Italiako hiriak mota horretako izakiz gainezka daude, zinez»[1].
Egun Thomas Cook bidaia agentzia dago, hegazkin konpainia propioa eta guzti[1].
Erreferentziak
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.