Svendborg

Svendborg Danimarkako Hegoaldeko Danimarkako eskualdean dagoen hiria da, Fionia uharteko bigarren hiria hain zuzen ere. 2003an merkatal hiri bihurtu izanaren 750 urteurrenaz koinzidituz "Danimarkako urteko hiria" izendatu zuten.

Svendborg
hiria
Irudi gehiago
Administrazioa
Herrialdea	Danimarka
Eskualdea	Hegoaldeko Danimarkako eskualdea
Posta kodea	5700
Geografia
Koordenatuak	55°03′35″N 10°36′36″E
Azalera	417 km²
Altuera	14 m
Demografia
Biztanleria	27.210 (2019)
Metropolia	58.998
Informazio gehigarria
Sorrera	1229
Ordu eremua	UTC+01:00 eta UTC+02:00
Hiri senidetuak	Stralsund eta Jönköping udalerria
http://www.svendborg.dk/

Geografia

Svendborg Fionia uhartearen hegoaldean kokaturik dago. Lau uharte txikiagok babesten dute hiria, Tåsinge eta Thurø (udalerri barnean daudenek), eta Langeland eta Ærø uharteek.

Historia

1229an Valdemar II.aren eskutitz batean aipatzen da Svinæburgh izenarekin. Izenaren jatorria ez dago argi, danieraz svin zerria baita eta marsvin mazopa, beraz zerriak edo mazopak dauden hiria izango litzateke.

1236an Frantziskotar monasterioa eraiki zen herrian eta bertan iraun zuen 300 urtez. 1253an merkatal hiri eskubideak jaso zituen eta harresi eta babes dorreak eraiki ziren, armarriko hiru dorreak izan bide ziren, zeinetako bi dorrek "Skattertårnet" eta "Kyseborg" izenak zituzten eta hirugarrenaren izenik ez da gorde. Svendborgtik ekialdera zegoen Ørkild gazteluan apezpikua bizi zen baina herritarren erregearen alde egin zuten 1536ko Erreforman.

1536tik aurrera hasieran garapena ezagutu bazuen ere hurrengo bi mendetan izurriteak, suteak eta atzerritarren okupazioak ezagutu zituen.

XIX. mendeko Industria Iraultzak onura handiak ekarri zizkion hiriari eta popolazioa asko handitu zen. A. P. Moller-Maersk Group itsas garraio enpresa multinazionala bertan sortu zen.

Kanpo estekak

• (Danieraz) Webgune ofiziala^{[Betiko hautsitako esteka]}

• Datuak: Q28031
• Multimedia: Svendborg / Q28031