Real Club Recreativo de Huelva
From Wikipedia, the free encyclopedia
Real Club Recreativo de Huelva 1889an sortutako Huelvako futbol taldea da, lehen mailan jokatu izan duena. Espainiako futbol talde zaharrena dela-eta dekano izenarekin ezaguna da.
| Ezizena(k) | Recre, Dekano | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Sorrera | 1889 | ||||||||||||||||||||||||||||||||
| Futbol zelaia | Nuevo Colombino edukiera: 20.161 lagun inaugurazioa: 2001 | ||||||||||||||||||||||||||||||||
| Presidentea |  Manuel Zambrano | ||||||||||||||||||||||||||||||||
| Entrenatzailea | Claudio Barragán | ||||||||||||||||||||||||||||||||
| Liga | 1. maila RFEF | ||||||||||||||||||||||||||||||||
| 2023-24 | 6.a | ||||||||||||||||||||||||||||||||
| Webgunea | Webgune ofiziala | ||||||||||||||||||||||||||||||||
| |||||||||||||||||||||||||||||||||
Sorrera eta hasierako urteak
Rio Tintoko meatzari ingelesek bazeramaten urte batzuk futbolean jokatzen eta 1884ean bertako Club Inglés taldeak Huelva hirian Sociedad de Juego de Pelota sortzea erabaki zuen, Club Inglésen menpe egongo zena. Hurrengo urteetan Sociedad de Juego de Pelota Recreation Club edo "Club de Recreo" izenaz ezagutu zen eta ofizialki 1889ean Charles Adams eskoziarrak eta Dr. Alexander Mackay zaldun ingelesak Huelva Recreation Club eratu zuen. Taldeak hasieran cricket eta futbol partidak antolatzen zituen kaira iristen ziren itsasontzi ingelesetako marinelen aurka, bai eta Club Inglés de Gibraltar edo Club Inglés de Sevilla bezalako taldeen aurka ere. Garai hartan jokalari ingelesak nagusi baziren ere huelvatar batzuek ere osatzen zuten taldea.
1893an El Velodromo estadioa eraiki zuten Rio Tintoko Meagintza Konpainiak utzitako lurretan. Bertan futbola jokatzeaz gain cricket, golf eta txirrindularitza lasterketak ere egiten ziren. Hala ere urteak aurrera egin ahala futbolaren nagusituz joan zen eta klubaren bazkideak ere nabarmen igo zirenez Velodromoaren ondoan futbol zelai berria eraikitzea erabaki zen 1903an.
1906an Espainiako Txapelketan parte hartzen zuen lehen talde andaluziarra izan zen, baina gauzak ez zitzaizkion ongi joan Madrid F.C. eta Bilboko Athletic Cluben aurka jokaturiko partidak galdu baitzituen. Hurrengo hamarkadan Andaluziako txapelketetan aritu zen 1915ean Seamen's Institute Kopa irabaziz eta 1918an Andaluziako Kopa bera. 1920an Lisboako Sporting taldeari irabaztean talde portugaldar baten aurka garaipena lortzen zuen lehen talde espainiarra bihurtu zen.
Espainiako liga 1928an hasi zen eta hasierako hamarkadetan Recreativok behe mailak ezagutu zituen. 1940an Bigarren mailara igo bazen ere urte bakarra egin zuen bertan. Frankismoaren debekuak zirela eta 1940 eta 1945 artean taldearen izena Recreativo Onuba izan zen.
Lehen mailarako igoera
Recreativok lehen mailan jokatu arte, anitz urte pasa behar izan ziren, baina 1978an iritsi ziren. Víctor Espárrago, Enrique Lora, Isabelo Ramírez eta Poli Rincón ziren, besteak beste, talde hartako jokalariak. Lehenengo jardunaldian liderra izan zen baina denboraldiaren amaieran maila galdu zuen.
Krisialdi ekonomikoa
Hurrengo urteak bigarren mailan egin zituen. 1989an taldea indartu egin zen, klubaren mendeurrena berriz ere Lehen mailan ospatzeko asmoaz, baina gauzak gaizki joan zitzaizkion eta azkenean 2.B mailara jaitsi zen. 1.000 milioi pezetako zorra egin zuen, gainera, eta kluba desagertzeko zorian egon zen.
1999an Pedro Rodríguez Huelvako alkateak udaletxean bilera berezia egin zuen, taldea salbatzeko asmoaz. Lehenik eta behin, Colombino estadioa saltzea erabaki zen eta ondoren taldea Kirol Elkarte Anonimo bihurtu zen. Horrela, klubaren ekonomia hobetu zen. 2000 urtean, 2.B mailan ari zela, Lucas Alcaraz entrenatzailea fitxatu zuen taldeak. Berri onak berehala iritsi ziren:e abuztuaren 31n, C.P. Mérida eta C.D. Logroñés mailaz jaitsi ziren, diru arazoak zirela kausa, eta Recreativok haien tokia hartu zuen bigarren mailan. 2001ean, gaur egungo Nuevo Colombino estadioa inauguratu zuen eta hurrengo urtean berriz Lehen mailara igo zen.
Lehen mailan
2002ko urte hura oso ona izan zen, Europako postuen inguruan ibili baitzen lehenengo itzulian eta azkenean maila galdu zuen arren, Kopan finalera iristea lortu zuen. Bertan RCD Mallorca nagusitu zitzaion 3-0ko emaitzaz.
2006an berriz igo zen Lehen mailara eta hiru denboraldi egin zituen bertan. Urterik onena lehenengoa izan zuen, 8. amaitu baitzuen.
Azken urteak
2009tik aurrera, Bigarren mailan aritu zen, baina 2014-15 denboraldian 20. eginik, maila galdu zuen. 2018-19an denboraldi bikaina osatu zuen, 22 partida jarraian galdu gabe eta bigarren B mailako Zamora trofeoa eskuratu zuen, taldeko txapelduna izan baitzen. Kanporaketetan, ordea, ez zuen mailaz igotzerik lortu. 2020-21ean Liga sistemaren birrantolaketa gertatu zenean 3. maila RFEF-n kokatu zen (5. mailan).
Jantzia
|
|
|
|
| |||||||||||||||||||||||||||||||||||||||||||||||||||||||||||||||||||||||||||
2024-25 barne:
- Denboraldiak 1. mailan: 8
- Denboraldiak 2. mailan: 38
- Denboraldiak 2. B mailan: 14
- Denboraldiak Lehen maila RFEFn: 2
- Denboraldiak Bigarren maila RFEFn: 1
- Denboraldiak 3. mailan: 23
- Denboraldiak Hirugarren maila RFEFn: 1
- Ligako posturik onena: 8.a Lehen mailan (2006-07 denboraldian)
Azken urteetako ibilbidea
| Denboraldia | # | Maila | Emaitza | Kopa |
|---|---|---|---|---|
| 2001-02 | 2 | Bigarren maila | 3.a | 1/16 |
| 2002-03 | 1 | Lehen maila | 18.a | FINALA (2.a) |
| 2003-04 | 2 | Bigarren maila | 6.a | 2. itzulia |
| 2004-05 | 2 | Bigarren maila | 5.a | 1/16 |
| 2005-06 | 2 | Bigarren maila | 1.a | 2. itzulia |
| 2006-07 | 1 | Lehen maila | 8.a | 1/32 |
| 2007-08 | 1 | Lehen maila | 16.a | 1/16 |
| 2008-09 | 1 | Lehen maila | 20.a | 1/32 |
| 2009-10 | 2 | Bigarren maila | 9.a | 1/16 |
| 2010-11 | 2 | Bigarren maila | 12.a | 2. itzulia |
| 2011-12 | 2 | Bigarren maila | 17.a | 2. itzulia |
| 2012-13 | 2 | Bigarren maila | 13.a | 2. itzulia |
| 2013-14 | 2 | Bigarren maila | 8.a | 1/32 |
| 2014-15 | 2 | Bigarren maila | 20.a | 3. itzulia |
| 2015-16 | 3 | Bigarren B maila | 13.a | 1. itzulia |
| 2016-17 | 3 | Bigarren B maila | 12.a | - |
| 2017-18 | 3 | Bigarren B maila | 15.a | - |
| 2018-19 | 3 | Bigarren B maila | 1.a | - |
| 2019-20 | 3 | Bigarren B maila | 13.a | 1/16 |
| 2020-21 | 3 | Bigarren B maila | 8.a/6.a | - |
| 2021-22 | 5 | 3. maila RFEF | 1.a (igo) | - |
| 2022-23 | 4 | 2. maila RFEF | 2.a (igo) | 1. itzulia |
| 2023-24 | 3 | Lehen maila RFEF | 6.a | 1. itzulia |
| 2024-25 | 3 | Lehen maila RFEF |
Espainiako txapelketak: 1
zortzigarren 2006-06 denboraldian
2005-06
finalista 2002-03an.
Andaluziako txapelketak: 2
- Andaluziako Kopa: 1
1918
- Seamen's Institute Kopa: 1
1915
Lagunartekoak
1965, 1967, 1977, 1979, 1986, 1987, 1998, 2000, 2003, 2004, 2008, 2010, 2016, 2017.
Recreativok 1965etik aurrera Colombino Trofeoa antolatzen du. Udan jokatzen diren txapelketen artean, zaharrenetakoa da. Irabazleak zilarrezko karabela bat eramaten du opari. Recreativok berak gehien irabazi du, 13 aldiz, eta Atlético Madril bigarrena da, sei garaipenekin
- (Gaztelaniaz) Taldearen webgune ofiziala
Datuak: Q12249
Multimedia: Real Club Recreativo de Huelva / Q12249
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
