Prentsa hidrauliko

Prentsa hidraulikoa azalera desberdineko bi zilindroz osatutako tresna da, fluido batez betea, eta Pascalen printzipioaren arabera diharduena. Fluidoa eremu mugatu batean ezarrita dagoenez gero, zilindroei indarra eragiten bazaie, presioa era berean iristen da eremuaren puntu guztietaraino. Beraz, zilindro txikian indarra aplikatzen bada, askoz indar handiagoa eragiten da zilindro handian. Gauzei forma emateko eta edozein osagaizko objektuak (altzairua, kautxua, plastikoak) estutzeko erabiltzen da.

Indarren arteko erlazioa

Prentsa hidraulikoaren eskema

${\displaystyle A_{1}\,}$ azalera duen enbolo txikian ${\displaystyle F_{1}\,}$ indarra aplikatzen bada, ${\displaystyle p_{1}\,}$ presioa sortzen da:

${\displaystyle p_{1}={\frac {F_{1}}{A_{1}}}\,}$

Era berean, bigarren enboloan:

${\displaystyle p_{2}={\frac {F_{2}}{A_{2}}}\,}$

Fluidoa komunikaturik dagoenez gero, Pascalen printzipioaren arabera, bi pistonetan presio berdina izanen da, sakonera berean daudelako. Beraz:

${\displaystyle p_{1}=p_{2}\,}$

Hots:

${\displaystyle {\frac {F_{1}}{A_{1}}}={\frac {F_{2}}{A_{2}}}\,}$ eta indarren arteko erlazioa: ${\displaystyle {\frac {F_{1}}{F_{2}}}={\frac {A_{1}}{A_{2}}}\,}$

Beraz, prentsa hidraulikoko indar erresultantea:

${\displaystyle F_{2}=F_{1}{\frac {A_{2}}{A_{1}}}}$

${\displaystyle F_{1}\,}$ = enbolo txikiko indarra newtonetan.

${\displaystyle F_{2}\,}$ = enbolo handiko indarra newtonetan.

${\displaystyle A_{1}\,}$ = enbolo txikiko azalera metro koadrotan.

${\displaystyle A_{2}\,}$ = enbolo handiko azalera metro koadrotan.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2018/2/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

• Datuak: Q841217
• Multimedia: Hydraulic presses / Q841217