From Wikipedia, the free encyclopedia
Parisko Bake Biltzarra Lehen Mundu Gerrako herrialde garaileek eratutako biltzarra izan zen, garaitutakoekin bake-hitzarmenak ados zitzaten. Bilerak 1919ko urtarrilaren 18an hasi ziren, eta, geldiuneak geldiune, 1920ko urtarrilaren 21 arte iraun zuten. Hogeita bederatzi herrialdetako diplomatikoak bildu ziren, bakoitzak bere eskaerak zituela, baina erabaki nagusiak "Lau Handiek" hartu zituzten: AEBetako Woodrow Wilson, Erresuma Batuko David Lloyd George, Frantziako Georges Clemenceau eta Italiako Vittorio Orlando. Alemaniako eta Errusiako ordezkaririk ez zen gonbidatu parte hartzera.
Parisko Bake Biltzarra | |
---|---|
Mota | bake konferentzia |
Honen parte da | Lehen Mundu Gerra |
Denbora-tarte | 1919ko urtarrilaren 18a - 1920ko urtarrilaren 21a |
Data | 1919 |
Kokaleku | Paris |
Herrialdea | Frantzia |
Kausa | Lehen Mundu Gerra |
Honen ondorioa | Versaillesko Ituna Saint-Germaingo Ituna Treaty of Neuilly-sur-Seine (en) Trianongo Ituna Sèvresko Ituna |
Negoziazioek Europako hiru inperioen amaiera ekarri zuten: Alemaniarrarena, Austria-Hungariarrarena eta Otomandarrarena. Alemania, gainera, gerraren erruduntzat hartu zen, eta, horren ondorioz, kostu guztiak ordaintzera kondenatu zuten. Halaber, Europan estatu berriak agertzea ahalbidetu zen: Txekoslovakia eta Jugoslavia sortu ziren, eta Polonia birsortu. Woodrow Wilsonen ekimenez, Nazioen Liga eratu zen, munduko nazioen arteko gatazkak modu baketsuan konpon zitezen.
Bake-hitzarmenak herrialdez herrialde sinatu ziren:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.