Nahumen liburua
From Wikipedia, the free encyclopedia
From Wikipedia, the free encyclopedia
Nahumen liburua Bibliako Itun Zaharreko liburuetako bat da, profeten liburuen sailekoa. Nahum Galileako profeta bat zen, eta K.a. 642-606 artean idatzi zituen bere profeziak.
Nahum profetaren liburuak Ninive Asiriako hiriburuaren hondamendia iragartzen du. Asiria zen K.a. VII. mendean Ekialde Hurbil osoan jaun eta jabe; bere morroi zuen Judako erreinua ere. K.a. 663tik 612ra bitartean kokatzen bide da Nahumen profetagintza –hau da, 663an Tebas, Egiptoko hiriburua, asiriarrek hartu eta gero, baina 612an Ninive babiloniar eta mediarren esku erori baino lehen–. Hala ere, aditu guztiak ez datoz bat datazio horretan.
Nahumen poemek abertzale baten pentsamendua islatzen dute, pentsatzen duena Jainkoak gobernatzen dituela herrien historia.
Nahumen liburuak hiru atal ditu:
Lehenengoak (1,2-8), sarrera orokor gisa, mundu osoaren nagusia Jauna dela aitortzen du eta ezin diola hari inork aurre egin.
Bigarrenak (1,9–2,3) garaiko egoera politikoan Jainkoaren ahalmena nola agertuko den erakusten du: Ninive hondatuz eta Juda erreinuko biztanleak askatuz.
Hirugarrenak (2,4–3,19) Niniveren eta haren ahalmenaren suntsipena ospatzen ditu.
Nahumen mezua ez da Niniveren hondamendi-iragarpen soila; esaten du, halaber, hondamendi hori Jainkoaren epaiaren ondorioa dela. Beraz, Jaunaren ahalmena eta justizia azaltzen dizkie Nahumek bere garaikideei: maitasuna eta eroapena dauzka berarengan babesten den herriarentzat, baina epairik zorrotz eta beldurgarriena bere herriaren etsaientzat.
Ninive hiri harro, kriminal eta galdua Jainkoaren kontrako giza ahalmen guztien irudia denez, hura bezalako ahalmen oro ere suntsipenera doa: hori islatzen da Nahumen liburuan.
Hauek dira liburuaren azpiatalak
- Judako buruzagiei (1,9-10)
- Niniveri (1,11-11)
- Judari (1,12-13)
- Niniveko erregeari (1,14-14)
- Judari (2,1-1)
- Niniveri (2,2-2)
- Judari (2,3-3)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.